भांगरभूंय | प्रतिनिधी
भांगरभूंय । प्रतिनिधी
पणजीः 1 जानेवारी 2022 तें 31 डिसेंबर 2023 ह्या दोन वर्सांत गोंयांत 521 भिरांकूळ अपघात जाले आनी 556 जाणांक तातूंत मरण आयलें. ह्याच तेंपार जाल्ल्या 188 आप अपघातांत 192 जाणांनी जीव वोगडायलो. सगल्यांत चड दुचाकीचे अपघात जाते मात तांतुतल्या फकत दोन चालकांक अपघाती मरणाक कारण थारल्ल्यान ख्यास्त जाली. मुख्यमंत्री डॉ प्रमोद सावंत हाणे राज्य विधानसभेत एके लेखी जापेंत ही म्हायती दिल्या.
2022 वर्सा 257 अपघात जाले आनी तातूंत 275 जाणांक मरण आयलें. 2023 वर्सा 264 अपघात जाते आनी 281 जाणांक मरण आयलें. 2022 वर्सा 84 आप अपघात जाले आनी 87 जाण तातूंत मेले. 2023 वर्सा आप अपघातांचो आंकडो 104 आशिल्लो आनी 105 जाण तातूंत मेले.. 10 जाण अनवळखी वाहनांनी धपको दिल्ल्यान मेले.
दोन वर्सांत जाल्ल्या 521 अपघातांत कारण आशिल्ल्यांक ख्यास्त अजून जाली ना. तीन ड्रायव्हरांक पुरावे सामकार येवपाक शकले ना म्हणून निर्दोश सोडलें. अपघाती मरण प्रकरणांतल्या एक ड्रायव्हराची सुटका जाली. 20 ड्रायव्हरांक सुनावणे वेळार मरण आयिल्ल्यान ताचे वयल्यो केशी रद्द केल्यो. 144 भिरांकूळ अपघातांच्या प्रकरणांत पुलिसांनी न्यायालयांत अहवाल सादर केल्यात. सध्या 235 अपघातां प्रकरणांत न्यायालयांत केशी सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
