भांगरभूंय | प्रतिनिधी
फोंडें, प्रतिनिधी: केरये-खांडेपारा आयज सकाळीं सुमार ८.४५ वरांचेर खाजगी बसीन डिव्हायडराक धपको दिलो. ह्या अपघातांत कोणाक कांय जावंक ना. बस मोल्यांच्यान फोंड्यां वतना हो अपघात घडलो.
मेळिल्ले म्हायती प्रमाण, जीए- ०९- टी- ४२६७ क्रमांकांची खाजगी बस मोल्यांच्यान फोंड्यां वताली. केरये पावतांच रस्त्यारूच बसीचो पट्टो तुटिल्ल्यान चालकाचें नियंत्रण गेलें. तेन्ना बसीन उजवे वटेन आशिल्ल्या डिव्हायडराक दिलो धपको. ह्या अपघातांत कोणाक कांय जावंक ना. बसींतले २० प्रवासी वाटावले. फोंडें पुलीस सहाय्यक उपनिरीक्षक सुधाकर गांवकार हांणी अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
