भांगरभूंय | प्रतिनिधी
भांगरभूंय । प्रतिनिधी
सांगेंः व्ही फॉर सांगें आनी शार्पशूटर बॉयज हांणी आयोजीत केल्ले नेत्रावळी पंचायत करंड सर्तींत विचुंद्रे सीएससी बॉयड पंगडान वस्तादपण मेळयलें. फायनलींत ताणी नुनेच्या जल्मी बॉयजांक हारयलें. नेत्रावळी पंचायत मंडळाची पंच वांगडी राखी नायक हिचे हस्तुकीं येसस्वी पंगडांक इनामां भेटयलीं.
विचुंद्रे बॉयजाक पंचायत करंड आनी 10 हजार रुपयांचें जाल्यार जल्मी बॉयज, नुने पंगडाक करंड आनी 6 हजार रुपये दिले. शुभम नायक (चोको) मॅन ऑफ दी सिरीज थारलो. विराज नागेकराक बॅटिंगेचें आनी हेमंत गांवकाराक बॉलिंगेचे इनाम फावो जालें. राखी नायक हिणे जैतिवंत पंगडांक परबीं भेटयलीं. गांवगिऱ्या वाठारांतल्या क्रिकेट खेळगड्यांक सर्तींत खेळपाचो अणभव मेळचो हे खातीर ही क्रिकेट सर्त आयोजीत केल्ली अशें तिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
