भांगरभूंय | प्रतिनिधी
मडगांव, प्रतिनिधी: कुंकळ्ळी उद्देगीक वसणुकेंतल्या डिमॅक इंडस्ट्रीजांत शेनवारा रातचो उजो लागलो. लायट उडयल्या उपरांत कुंकळ्ळी उजो पालोवपी दळान मशिनांतल्यान उदक मारून उजो पालयलो. हे घडणुकेंत कंपनींतल्या मशिना वांगडा कॉम्प्युटर, टेबल, खुर्च्यो हें सामान जळून लाखांनी रुपयांचें लुकसाण जालें.
मेळिल्ले म्हायती प्रमाण कुंकळ्ळी उद्देगीक वसणुकेंतल्या सिंडीज आयस्क्रीम फॅक्टरी लागसारा आशिल्ल्या डिमॅक इंडस्ट्रींतल्या मशिनांक उजो लागपाची घडणूक शेनवारा रातची सव्वा धा वरांचेर घडली. डिमॅक इंडस्ट्रीजांत मिनरल वॉटर बॉटल्स भरतात. उजो लागल्या उपरांत कुंकळ्ळी उजो पालोवपी दळाक म्हायती दिली. एका वराच्या यत्ना उपरांत उजो पालोवपी दळाच्या जवानांक हो उजो पालोवपाक येस आयलें. ह्या उज्यांत कंपनीचें लाखांनी लुकसाण जालां. कुंकळ्ळी उजो पालोवपी दळाचे स्टेशन अधिकारी तृप्तेश नायक हांचे सयत निलेश नायक, रमण गांवकार, हरी पावस्कार, सिध्दांत आरोलकार, सौरभ शेटकार हांणी उजो पालोवपाचें काम केलें. हे कंपनी कडल्यान कितल्यो मशिनरी जळ्ळ्या हें कळ्ळ्या उपरांतूच नेमकें कितलें लुकसाण जालां हें कळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
