भांगरभूंय | प्रतिनिधी
नवी दिल्ली, खबरां संस्था ः केंद्रीय गृहमंत्री अमित शाहा हांणी आयज व्हडली घोशणा केली. लोकसभा वेंचणुके पयलींच नागरिकत्व सुदारणा कायदो (CAA) लागू करतलें अशीं घोशणा गृहमंत्री अमित शाहा हांणी आयज संसदेंत केली. बेगीनूच ताची अधिसुचोवणी जारी जातली अशेंय शाहा हांणी स्पश्ट केलें.
CAA खंयच्याच मनशाचें नागरीकत्व काडून घेवचो ना. फकत धर्मीक छळांचो सामनो करत आशिल्ल्या पाकिस्तान, अफगाणिस्तान आनी बांगलादेशांतल्या अल्पसंख्यांकांक ‘भारतीय नागरिकत्व’ दिवप हो ह्या कायद्याचो हेत आसा.
फुडल्या सात दिसांत CAA लागू जातलो. ह्या विधेयकाक डिसेंबर 2019 वर्साच संसदेंत मान्यताय मेळ्ळी. हाचे उपरांत तेन्नाचे अध्यक्ष रामनाथ कोविंद हाणेंय ह्या विधेयकाक मान्यताय दिली आनी उपरांत तो कायदो जालो. ह्या कायद्यात बांगलादेश, पाकिस्तान आनी अफगाणिस्तानांतल्या धर्मीक अल्पसंख्यांकांक नागरीकत्व दिवपाची तरदूत आसा अशें केंद्रीय मंत्री शांतनू ठाकुर हांणी म्हणलें.
० ह्या कायद्या प्रमाण बांगलादेश, पाकिस्तान आनी अफगाणिस्तान ह्या तीन शेजारच्या देशांतल्या धर्मीक अल्पसंख्यांकांक (मुस्लीम थंय भोवसंख्य) भारतीय नागरीकत्व दितलें.
० 2014 मेरेन खंयच्याय छळाक लागून भारतांत आयिल्ल्यांक नागरीकत्व मेळटलें. हातूंत हिंदू, शीख, बौद्ध, जैन, पारशी आनी क्रिस्तांव लोकांचो आस्पाव जातलो.
० ह्या विधेयकाक लोकसभेंत 2016 वर्साच मान्यताय मेळिल्ली. पूण राज्यसभेंत ताका मान्यताय मेळूंक शकली ना. मागीर 2019 वर्सा परतून ते सादर केलें.
० 10 जानेवारी 2020 दिसा राष्ट्रपती हांणी ताका मान्यताय दिली. ह्या कायद्या खाला 9 राज्यांच्या 30 परस चड डीएमांक खाशेले अधिकार दितलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
