भांगरभूंय | प्रतिनिधी
भांगरभूंय । प्रतिनिधी
मडगांवः कथीत वीज घोटाळो प्रकरणात आठ साक्षीदारांक समन्स पावंक नाशिल्ल्यान दक्षीण गोंय विशेश न्यायालयान तें धाडपाक मुजतवाड दिल्या. शुक्राराक रंगनाथन स्रब्रह्मण्यम हाची साक्ष नोंद केली. दोन साक्षीदारांचे वेळेरेंत आनी दोगाक जोडला. फुडली सुनावणी 16 फेब्रुवारीक दवोरल्या.
ह्या घोटाळो प्रकरणातले राधाकृष्णन आनी कृष्णकुमार हे न्यायालयांत हाजीर आशिल्ले जाल्यार टी नागराज गैरहाजीर आशिल्ले. फाटले सुनावणे वेळार आठ साक्षीदारांक न्यायालयांत हाजीर रावपचें समन्स जारी केल्लें. मात राज्यांत व्हीव्हीआयपी आशिल्ल्यान बदोबस्ता खातीर कर्मचाऱ्यांक धाडल्ल्यान समन्य दिवपाक मेळ्ळें ना. ताका लागून परत समन्स दिवपाक न्यायालयान मुजत वाड दिवंन फुडले सुनावणे वेळार तांकां हाजीर रावपाक सांगलां.
डी डी गोएल आनी एस एन गप्ता ह्या दोन साक्षीदारांची नांवा साक्षीदारांचे वळेरेंत जोडपाक सरकारान सरकारी वकिलांक परवानगी दिल्या. तांका 1 मार्चाक सकाळीं 10 वरांचेर जावपी सुनावणे वेळार हाजीर रावपाक समन्स धाडपाक न्यायालयान सांगलां. रंगनाथन सुब्रह्मण्यम हाची साक्ष शुक्राराक पुराय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
