भांगरभूंय | प्रतिनिधी
आरबीआय उपरांत आतां कर्मचारी प्रॉव्हिडंट फंड ऑर्गनायझेशन म्हळ्यार EPFO न पेटीएम पेमेंट्स बँके कडेन संबंदीत खातें धारकांकय तांचे खातें अपडेट करपाक सांगलां. जर तांणी आपलें खातें नियमीत तारखे आदीं अपडेट करूंक ना जाल्यार फेब्रुवारी उपरांत तांच्या खात्यांतल्यान म्हयन्याळी कपात बंद जातली. रिझर्व्ह बँकेन पेटीएम पेमेंट्स बँकेचे सेवेचेर बंदी घातल्या उपरांत हो आदेश आयला. ईपीएफओंत नव्या बँक खात्याक जोडपाची वेळ मर्यादा कितें आनी ताचेर कसो उपाय सोदूं येता हें समजून घेवया.
RBI उपरांत आतां कर्मचारी भविष्य निर्वाह निधी संघटणा म्हळ्यार EPFO नूय पेटीएम पेमेंट्स बँके कडेन जोडिल्ल्या ईपीएफ खात्यांत वेव्हार करपाक न्हयकार दिला. कर्मचारी भविष्य निर्वाह निधी संघटणेने पेटीएम पेमेंट बँक खात्यां कडेन जोडिल्ल्या सगळ्या EPFO खात्यांनी ठेव वा क्रेडीट वेव्हार आडावपाचो निर्णय घेतला. EPFO न २३ फेब्रुवारी २०२४ सावन आपल्या सगळ्या क्षेत्रीय कार्यालयांक पेटीएम पेमेंट बँक लिमिटेड खात्यांडेन जोडिल्ल्या EPF खात्यांतले दावे निकालांत हाडपा खातीर आडायल्यात. जर तुमचें EPFO खातें पेटीएम पेमेंट्स बँकेकडेन जोडिल्लें आसा जाल्यार ते बेगीन अपडेट करात.
८ फेब्रुवारी २०२४ सावन, कर्मचारी भविष्य निर्वाह निधी (EPFO) न आपल्या क्षेत्रीय कार्यालयांक २३ फेब्रुवारी २०२४ सावन पेटीएम पेमेंट बँक लिमिटेडा कडेन जोडिल्ल्या बँक खात्यांचेर दावे स्विकारप बंद करपाचो सल्लो दिला. हाचो अर्थ, जर तुमचो पीएफच्यान पयशे काडपाचो दावो करपाचो विचार आसा आनी तुमचें खातें पेटीएम पेमेंट्स बँके कडेन जोडलां जाल्यार तुमी तशें करपाक शकना. ताका लागून तुमचें नवें खातें, बँक खातें बेगीनूच अपडेट करात.
भारतीय रिझर्व्ह बँक (RBI) न पेटीएम पेमेंट्स बँकेक २९ फेब्रुवारी २०२४ उपरांत ठेवी आनी क्रेडीट वेव्हार आडावपाचे निर्देश दिल्यात. गिरायक २९ फेब्रुवारी २०२४ मेरेन पयशे काडपा खातीर आनी क्रेडीट मेळोवपा खातीर पेटीएम वापरप चालूच दवरपाक शकता. ते तारखे उपरांत, गिरायक तांच्या पेटीएम पेमेंट बँक खात्यात वा वॉलेटांत पयशे जमा करपाक शकना. सगळ्या खातेदारांक तांचीं खातीं बंद करप आनी उरिल्ले पयशे साफ करप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
