पणजे, पर्वरी दोन अपघातांत दोन बायलांक मरण
भांगरभूंय | प्रतिनिधी
पणजी ः पणजे आनी पर्वरी आयज सकाळीं दोन अपघात जाले. हांतूत दोगी बायलांक जाग्यारुच मरण आयले. जाल्यार एकलो गंभीर जखमी जालो.
पर्वरीच्या हॉटेल ओरिएंट मुखार आशिल्ल्या राष्ट्रीय म्हामार्गाचेर स्कुटरीक ट्रकान धपको दिलो. उपरांत स्कुटरीचेर फाटल्यान बसिल्ली बायल उसळून ट्रकाच्या टायरा पोंदा सापडलीं आनी तिका जाग्यारच मरण आयलें. जाल्यार स्कुटर चलोवपी गंभीर जखमी जाल्ल्यान ताका उपचारा खातीर गोमेकॉत दाखल केला. पर्वरी पुलीस घडणूक थळाचेर पावलां आनी पंचनामो करतात.
दुसरे वटेन पणजे बसस्टॅण्डाचेर खाजगी बशी पोंदा पडून बायलेक जाग्यार मरण आयले. हे घडणुके उपरांत पणजी पुलिसांनी अपघाती थळाचेर वचून पंचनामो करून बायलेची कूड पोस्टमार्टमा खातीर धाडली. मजगतीं, हो अपघात नेमको कसो जालो हाची चवकशी पणजी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
