भांगरभूंय | प्रतिनिधी
भांगरभूंय । प्रतिनिधी
पणजीः मूत्रपिंड्याचें दुयेस जाल्ले गोंयांतले 1, 352 दुयेंतीं हॉस्पिटलांत डायलेसीस उपचार घेतात. सरकारी हॉस्पिटलांत 606, खाजगी हॉस्पिटलांत 544 आनी दीनदयाळ भलायकी सेवा येवजणे खाला 202 जाण डायलेसीस घेतात अशी म्हायती भलायकी मंत्री विश्वजीत राणे हांणे गोंय विधानभेंत एके लेखी जापेंत पेडण्याचो आमदार प्रवीण आर्लेकार हाका दिल्या.
गोंयांत गोडें मूत, हाय ब्लॅड प्रेशर आशिल्ल्या दुयेंतींत व्हडा प्रमाणात वाड जाला. असल्या दुयेंतीक निमाण मूत्रपिन्डाचें दुयेंस जाल्ल्यान तांकां डायलेसिसाची गरज लागता अशें राणे हाणे सांगलें. सध्या उत्तर गोंय जिल्हो हॉस्टिटलांत106, दिवचल हॉस्पिटलांत 46, वाळपयत 42, काणकोणांत 84, बाळ्ळींत 31, नावेलींत 22, फोंडे उपजिल्हो हॉस्पिटलांत 53, चिखली हॉस्पिटलांत 67, मडगांव जिहो हॉस्पिटलांत 75, धारबांदोड्यांत 20, कासावलींत 7, तुयेंत 20, पर्वरी 6, आनी कुडचडें हॉस्पिटलांत 27 दुयेंती डायलेसिसाचे उपचार घेतात अशे लेखी जापेंत सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
