गोंयचो २०२४-२५ चो अर्थसंकल्प

भांगरभूंय | प्रतिनिधी

पर्वरी : गोंयचो २०२४-२५ चो अर्थसंकल्प मुख्यमंत्री डॉ. प्रमोद सावंत हांणी आयज मांडलो. मुख्यमंत्र्यान मांडिल्ले म्हत्वाचे मुद्दे हांगा वाचात :

० गोंय स्वयंपूर्ण येवजणे खातीर १० कोटी तरतूद.

० मुख्यमंत्री रोजगार येवजणे खातीर ६.५ कोटींची तरतूद.

० विवीध माध्यमां वरवीं अंदूं केंद्रा कडल्यान गोंयांक १,५०६ कोटींचो निधी मेळटलो.

० गोंय मुख्यमंत्री शिष्यवृत्ती येवजणे खातीर ९३ लाखांची तरतूद.

० सामान्य प्रशासन आनी समन्वय खात्यांत १६६ कोटीं मेरेनची तरतूद वाडयल्या.

० मिशन कर्मयोगी खातीर २.५ कोटींची तरतूद.

० भाऊसायब बांदोडकार स्मृतिस्थळाचें १० कोटी रुपया खर्चून नुतनीकरण.

० सरकारी कर्मचार्‍यां खातीरची उण्या दरांत गृहखरेदी येवजण परत चालीक लागतली. ताचे खातीर १५ कोटींची अर्थसंकल्पीय तरतूद.

० दंतमहाविद्यालय ७५ कोटींची अर्थीक तरतूद.

० ‘आयपीएचबी’ खातीर ८२ कोटींची अर्थीक तरतूद. मानसीक दुयेंतीं खातीर विवीध सुविधा चालीक लायतले. तशेंच थंय वेवसायीक शिक्षण दिवपाचीय वेवस्था करतले.

० उदकाची पुरवण सुरळीत करपा खातीर १०० कोटींचे प्रकल्प चालीक लायतले.

० दरेका मतदारसंघा खातीर ४० कोटींची तरतूद. ४० मतदारसंघा खातीर १६०० कोटींची तरतूद. आमदारांक मतदारसंघांतलीं काम करूंक मेळटलीं.

० जीएसआयडीसी वरवीं ३३२ कोटींचे प्रकल्प ह्या अर्थीक वर्सा हातांत घेतले.

० साधन सुविधां खातीर ४४० कोटींचे प्रकल्प पुराय जावपाच्या टप्प्यांत आसात.

० वीज खात्यां खातीर ३ हजार ९९९ कोटींची तरतूद.

० सुदीन ढवळीकार हांच्या वीज खात्याची तरतूद ३,९९९ कोटी रुपया. स्मार्ट मिटराच्या कामा खातीर ४६७ कोटी रुपया.

० न्यू एड एनर्जी खातीर ६२ कोटींची तरतूद.

० आदिवासी समाजा खातीर फ्री सौर ऊर्जा प्रकल्प दितले.

० इलेक्ट्रीक वाहन घेवपाक २५ कोटींची तरतूद.

० सुभाष शिरोडकार हांच्या उदकास्रोत खात्या खातीर ६७५ कोटींची तरतूद.

० न्हंयांच्या संवर्धना खातीर उगम से संगम येवजण. ताचे खातीर ५ कोटींची तरतूद.

० सध्या गोंयांक ३१.४६ टीएमसी उदकाची गरज आसा. २०४७ मेरेनची उदकाची मागणी लक्षांत घेवन पंचवाडी-शिरोड्यां २४० कोटी, वेर्णा आयडीसींत १७० कोटी आनी ओपा हांगा १७० कोटींचे प्रकल्प हातांत घेतले.

० उदकाच्या संवर्धना खातीर पंचवाडींत २४० कोटी, वेर्णा आनी कालें दरेकी १७० कोटी, जाल्यार जलसिंचन प्रकल्पां खातीर अंदूं ३३० कोटींची तरतूद. धरण सुरक्षिततायेचेर ५८ कोटी खर्च करतले.

० येरादारी खात्या खातीर ३०६ कोटींची अर्थीक तरतूद.

० गोंयांत ट्रान्सपोर्टेशन हब करपा खातीर ७०० कोटींची तरतूद.

० कॅप्टन ऑफ पोर्ट आनी न्हंय परिवहन खात्यां खातीर १५६ कोटींची तरतूद.

० खेलो इंडिया केंद्रा प्रमाण ‘खेलो गोवा’ केंद्रां दरेका भागांत स्थापन करतले.

० दरेका म्हालांत खेलो गोवा सेंटर. ताचे खातीर ३० लाखांच्या निधीची तरतूद.

० गोविंद गावडे हांच्या खेळां युवा वेव्हार खात्या खातीर २४० कोटींची तरतूद. खेलो इंडियाच्या खाला गोंयांत खेलो गोवा केंद्रांची स्थापना.

० जिल्हो पंचायती खातीर १६ कोटींची तरतूद… वांगड्यांच्या मानधनांत वाड.

० गोवा बाजार येवजणे खातीर१६ कोटींची तरतूद.

० नगर विकास खात्या खातीर ४०४ कोटींची तरतूद.

० उद्देगां खातीर सिंगल विंडो पोर्टल चालीक लायतले.

० परंपरीक कलाकारांक उर्बा दिवपा खातीर ‘मुख्यमंत्री हस्तकला आधुनिकरण येवजण’. हे येवजणे खातीर ४१ लाखांची अर्थीक तरतूद.

० बेगीनूच खनीज डंपाचो लिलाव. कायदेशीर रेंव खणप सुरू जातलें.

० गोंयचें खनीज डंप धोरण राबयलां. कायद्यान आनी शास्त्रीय पद्धतीन आमी खणी सुरू करतात.

० गोंयकारांक १०० टक्के फुकट इंटरनेट सेवा मेळचे खातीर १०० परस चड सुवातांचेर वायफाय सेवा सुरू जातली.

० खाजगी मळार काम करपी गोंयच्या कामगारांक नोंदणी करप सक्तीचें.

० ‘जीएचआरडीसी’ वरवीं आतां मेरेन ४,१६२ गोंयकारांक विवीध सरकारी खात्यांनी नोकर्‍यो दिल्यो. तांकां पुलीस, रान खात्यांतूय आसपावन घेतले.

० खाजगी कारखान्यांत काम करप्यांची दर २ म्हयन्यांतल्यान एकदां कॅन्सराची तपासणी करपाचो प्रस्ताव.

० शिक्षण खात्या खातीर ३,२४३ कोटींची तरतूद.

० शिक्षण खात्या खातीर २,२८८ कोटींची तरतूद… काळा प्रमाण शिक्षण प्रणाली बदलप गरजेचें. ल्हान भुरग्यांचे फाटीर अभ्यासाचें वजें उणें करपाचो सरकाराचो यत्न. हाचे खातीर गोंयांत राष्ट्रीय शिक्षणीक धोरण सुरू जालां.

० उच्च शिक्षण खात्या खातीर ५५३ कोटींची तरतूद.

० तंत्रशिक्षण खात्या खाती ३२३ कोटींचा निधी.

० कुशळटाय उदरगत खात्या खातीर १०७ कोटींचो निधी.

० शेतकी खात्या खातीर २५९ कोटींची तरतूद.

० आयटीआयच्या प्रशिक्षकांक अद्ययावत दवरपा खातीर प्रशिक्षण शिक्षण संस्था स्थापन करतले.

० गोंय कृषी म्हाविद्यालयाची इमारत उबारपा खातीर १० कोटींची तरतूद

० पशु संवर्धन खात्या खातीर १८० कोटींची तरतूद.

० पशु वैजकी म्हाविद्यालयाची बेगीनूच स्थापना करतले.

० समाज कल्याण खात्या खातीर ५५३ कोटींची तरतूद.

० नव्या दिव्यांग खात्या खातीर २८ कोटींची तरतूद.

० बायलां आनी बाल कल्याण खात्या खातीर ४०६ कोटींची तरतूद.

० गृहआधार, लाडली लक्ष्मी येवजणे खातीर २८१ कोटींची तरतूद.

० मार्च २०२५ मेरेन आडकून उरिल्ल्या दाव्यां मदले ५० टक्के रानां हक्क दावे निकालांत हाडटले.

० नागरी पुरवण खात्या खातीर ६८ कोटींची तरतूद.

० सहकारी संस्थांतल्या गुंतवणुकदारांच्या १ लाख रुपयां मेरेनच्या ठेवींक संरक्षण दिवपाची येवजण जाहीर.

० गोंय कॅरोसीनमुक्त राज्य म्हणून जाहीर. एकूय व्यक्ती कॅरोसीन घेना अशें मुख्यमंत्र्यान केलें स्पश्ट.

० राज्यांतल्या ज्या म्हालांत २० टक्क्यां परस चड एसटी समाजाचो आंकडो आसा, अश्या वाठारांनी अर्थीक नदरेन मागास एसटी नागरिकांक १०० चौरस मिटर जमीन दिवपाची भगवान बिरसा मुंडा भूदान येवजण जाहीर.

० बेकायदेशीर बांधकामां कायदेशीर करपाची प्रक्रिया मार्च २०२५ मेरेन पुराय करतले.

० सांग्यांर जमीन नोंदणी खातीरचें नवें कार्यालय.

० नगर नियोजन खात्या खातीर ३७ कोटींची तरतूद.

० विज्ञान आनी तंत्रज्ञान खात्या खातीर २०९ कोटींची तरतूद.

० गृहखात्या खातीर १,२२६ कोटींची तरतूद.

० हॉटेल वेवसायिकां कडल्यान कोयर वेवस्थापना खातीर शुल्क आकारपाचो प्रस्ताव.

० पुलीस खात्या खातीर ९४८ कोटींची तरतूद.

० जनते खातीर ऑनलायन एफआयआर सुविधा सुरू करणार.

० उजो पालोवपी दळा खातीर १३० कोटींची तरतूद.

० दक्षता खात्या खातीर ११ कोटींची तरतूद.

० भारतकार हेगडे देसाई येवजण जाहीर.

० पुरातत्व खात्या खातीर ७७ कोटींची तरतूद.

० दिसाळ्यांनी प्रसिद्ध जाल्ल्या दर्जेदार लेखांचें पुस्तक तयार करपा खातीर ‘भारतकार हेगडे देसाई लेखसंग्रह येवजण’.

० पुर्तुगेजांनी नश्ट केल्लीं देवळां परत बांदतले. हे फाटभूंयेर स्मृती मंदिरा खातीर २० कोटींची तरतूद. पोरणें गोंयच्या सेंट झेवियर फेस्ता खातीर अंदूं विशिश्ट फंड राखून दवरला.

० पर्यटन खात्या खातीर २५५ कोटींची तरतूद.

० गोंयांत येवपी पर्यटकांचे सोयी खातीर ‘होम स्टे’ ‘बेड-ब्रेकफास्ट’ धोरण आखालां.

० कवी मनोहरराय सरदेसाय आनी रवींद्र केळकार हांची जल्मशताब्दी अंदूंच्यान सरकारी पांवड्यार मनयतले.

० गोंयच्या फामाद देवळांच्या राष्ट्रीय, आंतरराष्ट्रीय पांवड्यार प्रचार करपा खातीर एका एजन्सीकडेन सरकारचो सामंजस्य करार.

० वजन-माप खात्याची नवी इमारत कुडचडें उबारतले. ताचे खातीर १ कोटींची तरतूद.

० जनतेचेर अंदूंच्या कराचें आनीक वजें ना. सेवा शुल्कांत दर वर्सा नाममात्र वाड जातली. लिव्ह अँड लायसन्सा खातीर नेम करतले.