भांगरभूंय | प्रतिनिधी
नवी दिल्ली, खबरां संस्था ः दार्जिलिंगांतले एके चलयेचेर तिच्या इश्टान सात दीस बलात्कार केलो. तिका मारपेट करुन तिचेर दाळीचो गरम रोसूय ओंतलो. हे घडणूके विशीं दिल्लीच्या नेब सराय पुलीस स्टेशनाचेर फोन आयलो. उपरांत पुलिसांनी पिडेस्त चलयेक सोडयली. हाॅस्पिटलांत तिच्या आंगाचेर 20 घाव्यांच्यो खुणो मेळ्ळ्यात. पुलिसांनी आरोपी पारस (28, उत्तराखंड) हाका अटक केल्या. तो एका हॉटेलांत जेवण करपाचें काम करता.
पिडित चलयेच्या म्हणण्या प्रमाण, तिका नोकरे खातीर जानेवारीच्या पयल्या सप्तकांत बेंगळुरू पावपाचें आशिल्लें. तिची ट्रेन दिल्लींतल्यान वचपाक आशिल्ली, देखून तिणें वच्चें पयलीं इश्ट पारसाक मेळपाचें थारायलें. मेळ्ळें उपरांत पारसान तिका दिल्लींत राव आनी हांगा नोकरी सोदपाक हांव मजत करतां, अशें सांगलें. हाचे उपरांत पिडित चली पारसा वांगडा दिल्लींत भाड्याच्या घरांत रावपाक लागलें. पूण जशें जशें दीस गेले तशें आरोपी चलयेचेर अत्याचार करपाक लागलो.
पुलिसांनी सांगलें, हे चली पारस बरोबर एका म्हयन्या सावन भाड्याच्या घरांत रावतालें. चवकशे वेळार पिडित चलयेन सांगलें ते अस्तंत बंगालांतल्या दार्जिलिंगांत रावपी. फोनाचेर आरोपी कडेन तिचो संपर्क जालो. उपरांत म्हजी आनी पारसची इश्टागत जाली. आमी 4 म्हयने एकामेकाच्या संपर्कांत आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
