भांगरभूंय | प्रतिनिधी
फास्टॅग केवायसी अपडेट करात 29 फेब्रुवारी मेरेन
नवी दिल्ली, खबरां संस्था ः तुमी FASTag वापरतात आनी अजून केवायसी करूंक ना जाल्यार एक खूश खबर. फास्टॅग खातीर केवायसीची निमाणी तारीख 31 जानेवारी आशिल्ली. पूण आतां फास्टॅग केवायसी अपडेट करपाची तारीक वाडयल्या. फास्टॅग केवायसी अपडेट करपाक एनएचएआयन आनीक एक म्हयनो दिला. फास्टॅग केवायसी 29 फेब्रुवारी मेरेन पुराय करूं येता. येरादारी कोंयडी उणी करपा खातीर आनी इलेक्ट्रॉनीक टोल वसुली प्रणालीची कार्यक्षमताय वाडोवपा खातीर आनी वाहनांक टोल प्लाझांचेर उण्या वेळान टोल एकठांय करपाक मेळचो हे खातीर एनएचएआयन ‘एक वाहन, एक फास्टॅग’ उपक्रम चालीक लायला.
एका परस चड वाहनां खातीर एकूच FASTag वापरपाक वा एका विशिश्ट वाहनांत जायते FASTag जोडपाचे न्हय म्हणून ही मोहिम चालीक लायला. एक वाहन एक फास्टॅग आनी फास्टॅग केवायसीची मुजत वाडयल्या देखून नागरिकांक ह्यो गजाली बेगीन पुराय करच्यो असो उलो एनएचएआयन मारला.
https// fastag. ihmcl.com/ ह्या संकेतथळाक भेट दिवन तुमी ऑनलायन केवायसी करूंक शकतात. हे खातीर तुमकां नोंदणीकृत मोबायल क्रमांक आनी ओटीपीच्या आदारान लॉगीन करचें पडटलें. मागीर डॅशबोर्ड मेनूंत My Profile पर्याय दिसतलो, तो उगडात. माय प्रोफायल पर्यायांतल्या केवायसी उपविभागांत वचात, मागीर थंय आयडी पुरावो, पत्तो पुरावो आनी फोटो अशी गरजेची म्हायती अपलोड करात. ते उपरांत सबमिट करचें. अशे तरेन केवायसी पुराय करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
