भांगरभूंय | प्रतिनिधी
केन्नाय पळय लोकांक पार्कींगचो बरोच त्रास सोंसचे पडटा. गोंयांत तर खूबच. केन्ना घरा भायर गाडी लावपाक जागो मेळना, केन्नाय ऑफिसा सकयल गाडी लायल्यार ती गाडी ‘टो’ (म्हणजे उखलून व्हरतात.) करतात. अशे परिस्थितींत कांय प्रस्न मनांत निर्माण जातात. ते म्हणल्यार, गाडी टोईंग केले उपरांत पुलीस कितें करतात? गाडी परत कशी मेळटा? टोईंग करतना गाडी डॅमेज जाल्यार लुकसाण भरपाय कोण दितले?
पोलिसांनी केल्ले आडनदरेक लागून पुलिसांनी टो केल्ल्या वाहनांचें लुकसाण जाल्यार ताचें मोल पुलिसांकूच फारीक करचें पडटा. पुलिसांचे आडनदरेक लागून तुमचे गाडयेचें लुकसाण जालें आनी तुमकां लुकसाण भरपाय घेवची आसल्यार तुमका ते खातीर कोर्टांत वच्चें पडटलें.
गाडयेचें पुलीस कितें करतात?
नो पार्कींग स्पॉटा वयल्यान गाडी टोइंग केल्या उपरांत पुलीस ती पुलीस स्टेशनार वा तांचे सुवातेर घेवन वतात. जर तुमची गाडी टो केल्यार तुमी पुलीस नियंत्रण कक्षाक फोन करून विचारपाक शकतात. तशेंच तुमी लागींच्या पुलीस स्टेशनाचेर वचून हे विशीं विचारपाक शकतात. जर तुमकां ते सुवातेर पुलीस दिसल्यार आपली गाडी खंय व्हेल्या हें ताका विचारपाक शकतात.
गाडी कित्याक टो करतात?
चुकीच्या पार्किंगा सयत हेर जायत्या कारणांक लागून पुलीस गाडयो टो करतात. जर तुमी तुमची गाडी नो पार्कींग झोनांत चुकीचे सुवातेर पार्क केली जाल्यार पुलीस तुमची गाडी टो करपाक शकतात. तशेंच तुमची गाडी जर खंयचेय गुन्यांवकारी गजाली खातीर वापरिल्ल्याचो पुलिसांक दुबाव आयल्यारूय ती व्हरतात.
ही गाडी परत कशें मेळोवचें?
पुलीस स्टेशन : पयलीं तुमची गाडी जंय व्हेल्या त्या पुली स्टेशनाचेर वचात.
दंड भरात : येरादारी नेम मोडल्यार दंड भरचो पडटलो.
गाडयेचें लुकसाण जाल्यार कोण भरपाय दितलो?
पुलिसांचे आड नदरेक लागून टो केल्ले गाडयेक लुकसाण जाल्यार चडश्या घडणुकांनी गाडयेच्या धनयाक लुकसाण भरपाय दिवची पडटा. पुलिसांचे आडनदरेक लागून गाडयेचें लुकसाण जाल्यार ताचो भार पुलीस खात्यान उखलचो. अशेंय जायत्या अहवालांनी नमूद केलां.
२००३ त मुंबय हायकोर्टान निर्णय दिल्लो, जर एकाद्र्या गाडयेच्या धनयाचें टोईंग करतना लुकसाण जाल्यार तो टोईंग ऑपरेटरा कडल्यान लुकसाण भरपायेचो दावो करपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
