भांगरभूंय | प्रतिनिधी
भांगरभूंय । प्रतिनिधी
मडगांवः फातोड्डेंच्या श्री दामोदर देवस्थानाचो वर्सुकी उत्सव शुक्रार 9 तें सोमार 12 फेब्रुवारी मजगती धर्मीक आनी सांस्कृतीक कार्यावळीनी जातलो. 9 फेब्रुवारीक सकाळी 9 वरांचेर भौशीक लघुरुद्र, सांजे 3.30 वरांचेर सत्यनारायण म्हापूजा, आनी रातयां 9 वरांचेर म्हाप्रसाद जातलो.
शेनवार 10 फेब्रुवारीक सांजे 7 वरांचेर फळांची पावणी जातली. उपरांत शांतेचं कार्ट चालू आहे” ह्या नाटकाचो प्रयोग जातलो. आयतार 11 फेब्रुवारीक सांजे 7 वरांचेर फळांची पावणी उपरांत नागेश महारूद्र, नागेशी बांदडो निर्मीत आनी प्रशांत सतरकार हाच्या “अंबानी” ह्या विनोदी कोंकणी नाटकाचो प्रयोग जातलो. सोमार 12 फेब्रुवारीक सांजे 4 वरांचेर फातोड्डे गवळी समाजा वतीन सत्यनारायण पूजा आनी 7 वरांचेर फळांची पावणी जाल्या उपरांत पुणे हांगची नामनेची गायिका सानिया पाटणकार आनी सारेगम फेम गणेश दिनेश मेस्त्री हांचो नाट्यगीत, भक्तिगीत आनी भावगितांची कार्यावळ देवस्थान समिती वतीन जातली. उत्सवाक भाविकांनी हाजीर रावचें अशें समितीन मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
