भांगरभूंय | प्रतिनिधी
भांगरभूंय । प्रतिनिधी
वाळपयः वाळपय शिव जंयती उत्सव समिती वतीन 19 फेब्रुवारीक शिव जयंती नितमान सत्तरी तालुको पांवड्यार दिंडी सर्तीचें आयोजन केलां. तातूंत दिंडी पंगडांनी व्हडा संख्येन वांटो घेवचो अशें आवाहन समितीन केलां. वाळपयच्या फॉरेस्ट हावसांत समितीच्या पदाधिकाऱ्यांची बसकाजाली आनी अदूं व्हो उत्सव थाटान मनोवपाचो थारले. बसकेक समतीचो कार्याध्यक्ष अॅड यशवंत गांवस, विनोद शिंदे, उदय राणे, उदय सावंत, पुरुषोत्तम खाडीलकार, मिलिंग गाडगीळ, अंकूश धुरी, हरिश्चंद्र गांवस, मकरंद वेलिंगकार हाजीर आशिल्ले.
दिंडी 19 फेब्रुवारीक दनपारां 3.30 वरांचेर शहीद स्तंभा कडल्यान सुरू जातली. दिंडी सर्तीं खातीर 15 हजार, 12 हजार आनी 10 हजार अशी पयलीं तीन रोख इनामां दवोरल्यात. उमेदवाडोवपी इनामां दितले. दिंडींत वांटेकार जावपी पंगडाक मानधन दितले. दिंडी मुखेली राजश्री काळे आनी उपमुखेली मिलिंद गाडगीळ (9421151953) आसात दिंडी सर्तींत वांटो घेवपाक इत्सूक आशिल्ल्यांनी वाळपयच्या एसपी एन्टरप्रायजेशचो धनी प्रसाद खाडीलकार हाचे कडेन आशिल्ले प्रवेश अर्ज घेवन ते भरून धाडचे अशें समितीन कळीत केलां. उत्सवा वेळार पारंपरीक मनरिजवणेच्यो कार्यावळी सादर करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
