भांगरभूंय | प्रतिनिधी
भांगरभूंय । प्रतिनिधी
वास्कोः कासावली रेल्वे स्टेशऩा लांगी रेल्वे अंडरब्रीजाच्या बांदकामाक सुरवात जाल्ल्यान कुठ्ठाळेचो आमदार आंतोन वास हाणे कामाची पळोवणी केली. फाटल्या जायत्या वर्सां सावंनची मागणी पुराय जावंन पुलाच्या कामाक सुरवात जाल्ल्यान कासावलीकरांनी खोस उक्तायल्या. कासावली वाठारांत तीन रेल्वे अंडरब्रीज बांदतले. तातूंतल्या एका ब्रिजाचे काम सुरू केलां. मुख्यमंत्री डॉ प्रमोद सावंत हाणे फाटल्या 29 डिसेंबराक ताचो बुन्यादी फातोर बसयल्लो.
अंडरब्रीज नाशिल्ल्यान लोकांक रेलमार्ग हुपपा खातीर रेल्वे स्टेशनांत उब्या आशिल्ल्या मालगाडये सकल्ल्यान वच्चें पडटालें. जायते फावट हांगा अपघात जाल्ले आनी कांय जाणांक जीव वोगडावचोय पडल्लो. अंडरब्रीजाची गरज आसून लेगीत ह्या ना त्या कारणान तो बांदपाचें काम जायनाशिल्लें. हातूंत आमदार वास हाणे लक्ष घालून रेल्वे उदरगत निगमा कडेन उलोवणी सुरू करून बांदकामांक सुरवात केली.
सध्या कासावली वाठारांत रेलमार्गाच्या दुपदरीकरणाचें काम सुरू आसा. ते पुराय जाल्या उपरांत प्रवासी आनी मार रेल्वेंचो आंकडो वाडटलो. लोकांक रेलमार्ग हुपपा खातीर अंडरब्रीजांची सामकी गरज आशिल्ली. तीन अंडरब्रीज आनी दोन ओव्हरब्रीज बांदतले अशें आमदार वास हाणे सांगले. बांदकामाची पळोवणे वेळार आमदारा वांगडा कासावलीचो सरपंच सावियो परेरा आनी समाज वावुरपी रोकोझिन्हो डिसोझा आनी सावियो आनी थळावे लोक आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
