भांगरभूंय | प्रतिनिधी
हरदा, खबरां संस्था ः मध्य प्रदेशांतल्या हरदा जिल्ह्यांत माराणांचे फॅक्टरीक उजो लागून स्फोट जालो. तातूंत स जाणांक मरण आयले. जाल्यार 50 परस चड लोक उज्यांत लासून जखमी जाल्यात. अजून 20 ते 25 लोक तांतूत आडकून उरिल्ल्याची भिरांत आसा. ताका लागून मजत आनी बचाव कार्य सुरू आसा.
एएनआयचे खबरे प्रमाण, हरदाच्या बैरागढ माराण फॅक्टरीत स्फोट जालो. आडकून उरिल्ल्यांक भायर काडपाक एसडीआरएफचो पंगड पावला. तशेंच एम्ब्युलन्सीय पावल्यात. उजो पालोवपी दळ घडणूक सुवातेर पावलां आनी उजो नियंत्रणात हाडपाचो यत्न करतात. मध्य प्रदेशाचे मुख्यमंत्री मोहन यादव हांणी हे घडणुकेंत मरण आयिल्ल्यांच्या कुटुंबांक दरेकीं चार लाख रुपया मजत दिवपाची घोशणा केल्या. तशेंच हे घडणुकेंत जखमी जाल्ल्या लोकांच्या उपचारा खातीर सगळो खर्च राज्य सरकार करतलो अशेंय तांणी सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
