भांगरभूंय | प्रतिनिधी
हेर लोकां परस 1 वर चड स्मार्टफोनाचो वापर
न्यूयॉर्क, खबरां संस्था ः संवसारांतल्या हेर लोकां परस भारतीयांक स्मार्टफोनाचें चड व्यसन आसा. 88.10 कोटी भारतीय फोनाचेर सतत सक्रीय आसतात. मार्केटिंग प्लॅटफॉर्म इनमोबीच्या अहवाला प्रमाण भारतांतले लोक दर दिसा संवसारांतल्या सरासरी परस सुमार 1 वर चड स्मार्टफोन वापरतात.
संवसारांतले लोक दर दिसा सरासरी 3 वरां 15 मिनटां स्मार्टफोन वापरपाक घालयतात, जाल्यार भारतांत हो वेळ 4 वरां 5 मिनटां आसा. भारतीय स्मार्टफोनाचो चड वापर सोशल मिडिया खातीर करतात. हाचे उपरांत फोटो आनी व्हिडियो काडपा खातीर वापर जाता. उपरांत ऑनलायन गेम आनी मनरिजवणे (सिरीयल, सिनेमा, नाटक) खातीर उपेग करतात. हेर गरजे खातीर स्मार्टफोनाचो वापर उणो करतात. स्मार्टफोन सवाय जावपाक लागल्यात तसो लोकांचो वापर वाडत आसा. भारत ल्हवू ल्हवू स्मार्टफोन तयार करपाचें केंद्र जावपाक लागलां.
2030 मेरेन भारताचो इंटरनॅट वेवसाय 83 लाख कोटी…
देशांत इंटरनॅट आनी स्मार्टफोन वेवसाय नेटान वाडत आसा. इनमोबीच्या अहवाला प्रमाण, भारताचो इंटरनॅट वेवसाय फुडल्या 6 वर्सांत म्हळ्यार 2030 मेरेन 83 लाख कोटी रुपया जातलो. स्मार्टफोन वेवसाय 2032 मेरेन 7.43 लाख कोटी रुपया मेरेन वाडटलो. सध्या भारतांत दर म्हयन्याक 7.5 कोटी गेमींग वापरपी आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
