भांगरभूंय | प्रतिनिधी
संवसारीक भलायकी संघटणेची शिटकावणी
मुंबय, खबरां संस्था : संवसारीक भलायकी संघटनेच्या नव्या अदमासा प्रमाण २०५० मेरेन संवसारभर कॅन्सराच्या प्रकरणांत ७७ टक्क्यांनी वाड जातली. ह्या अहवालांत, कॅन्सराच्या दरांत अपेक्षीत वाड करपी घटकां मदलो एक घटक म्हणून हवा प्रदूशणा कडेन लक्ष ओडलां. कर्करोगाचेर संशोधन करपी आंतरराष्ट्रीय संस्था ‘इंटरनॅशनल एजन्सी फॉर रिसर्च ऑन कॅन्सरा’ न कर्करोगा विशीं खर शिटकावणी दिल्या. २०२२ चे तुळेंत २०५० मेरेन कर्करोगाच्या नव्या दुयेतीं मदीं सुमार ७७ टक्क्यांनी वाढ जातली, अशें हे संस्थेन म्हणलां. २०५० त कर्करोगाची सुमार ३.५ कोटी नवीं प्रकरणां मुखार येवपाक शकतात. १ फेब्रुवारीक हो अभ्यास प्रसिद्ध जालो. कॅन्सराच्या ह्या वाडट्या प्रमाणा फाटल्यान तंबाखू खावप, मोटेपण, सोरो पियेवप हीं मुखेल कारणां जावन आसात.
मात, ताचे परसूय वार्याचें प्रदूशण हें सगळ्यांत म्हत्वाचें कारण आशिल्ल्याचें हे संस्थेन म्हणलां. ह्या देशांत कॅन्सराच्या नव्या प्रकरणांनी सुमार १४२ टक्के वाड जावपाक शकता. उच्च मानवी विकास निर्देशांक आशिल्ल्या देशांनी सुमार ४० लाख नवीं प्रकरणां नोंद जावपाक शकतात. ताका लागून कॅन्सराविशीं जनजागृती आनी ताचेर बेगीन उपचार करप कितलें म्हत्वाचें हाचो अंदाज येता. ह्या अहवाला प्रमाण, उणें मानवी विकास निर्देशांक आशिल्ल्या देशांचेर हाचो सगळ्यांत चड परिणाम जातलो, कॅन्सराक लागून सगळ्यांत चड मरणांय ह्याच देशांत जातलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
