भांगरभूंय | प्रतिनिधी
भांगरभूंय । प्रतिनिधी
फोंडेंः पंचायत कर्मचारी संघटना- फोंडे गट हांणी फाटल्या जायत्या वर्सां सावन पडून आशिल्ल्यो मागण्यो सुटाव्यो करपा संबंदी केंद्रीय पर्यटन राज्यमंत्री श्रीपाद नायक हांका एक निवेदन भेटोवन तातूंत लक्ष घालपाची मागणी केली. पंचायत कर्मचाऱ्यांक सव्वो वेतन आयोग लागू केलो मात सातवो वेतन आयोग अजून लागू केलो ना ही गजाल तांणी नायक हाचे नदरेक हाडून दिली.
आमच्यो मागण्यो मानून घेवच्यो हे खातीर आमी पंचायत प्रशासन संचालक, मुख्यमंत्री, पंचायत मंत्री हांका पत्रां, निवेदना दिली. तरीय अजून ह्या विशयाचेर कसलोच निर्णय घेतिल्लो ना. कॉमन केडरा प्रमाण दरेका गटा मदीं कर्मचाऱ्यांचो बदल्यो करच्यो, वेळच्यावेळार पगार दिवचो, पगाट गटविकास अधिकारी कार्यालयांतल्यान दिवचो अशी आमची मागणी आसा. फाटल्या कांय म्हयन्यां सावन पगार मेळूं नाशिल्ल्या पंचायत कर्मचाऱ्यांक जाता तितल्या बेगीन तो दिवचो अशी मागणी तांणी केली.
श्रीपाद नायक हांका मेळपाक गेल्ल्यां मदीं फोडें गट पंचायत कर्मचारी संघटनेचो अध्यक्ष गजानन नायक, उपाध्यक्ष बाळू गांवकार, सचीव गौरेश वेळीप, वांगडी नीतेश नायक हांचो आसपाव आशिल्लो. श्रीपाद नायक हांणी मागण्या संबंदी मुख्यमंत्री डॉ प्रमोद सावंत हाचे कडेन उलोवपाचें आस्वासन तांका दिलें. पंचायत कर्मचाऱ्यांक वेळार पगार मेळचो हे खातीर यत्न करपाचे उतर ताणे दिलें. गोंय पंचायत कर्मचारी संघटनेचे वांगडी श्रीपाद नायक हांची भेट घेवंन चर्चा करतले अशें गजानन नायकान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
