भांगरभूंय | प्रतिनिधी
भांगरभूंय । प्रतिनिधी
मडगांवः अखील गोमंतक दैवज्ञ ब्राह्मण यूथ असोसिएशनान आयोजीत केल्ल्या 6व्या दैवज्ञ करंर क्रिकेट सर्तीच्यो जर्सी आनी करंडाचें अनावरण मडगांवा उमेदीच्या वातावरणात जालें. ही सर्त 10 आनी 11 फेब्रुवारीक फातोड्डेच्या साग मैदानार खेळयतले. सर्तींत 17 पंगड वांटेकार जाल्यात आऩी तातूंत दोन बायल पंगडांचो आसपाव आसा.
जर्सी अनावरण कार्यावळीक सतराय पंगडांचे कॅप्टन, प्रतिनिधी आनी पुरस्कर्ते हाजीर आशिल्ले. ही सर्त यंत्र डेव्हलॅपर्स, स्वरुप-व्ही एस रायकार ज्युवेलर्स, रमाकांत ज्युवेलर्स, अंता ज्युवेलर्स, विद्या स्पेशलिटी अल्ट्रा साऊंड सेंटर, लोटलीकार ज्युवेलर्स, आदर्श कॅटरर्स आनी हॉटेल कॉस्मिक हांच्या पालवान आयोजीत केल्या. असोसिएशनाचो अध्यक्ष प्रशील साळकारान सर्तीची सविस्तर म्हायती दिली. असोसिएशना वतीन सामाजीक उपक्रम चालीक लायतात अशी म्हायती ताणे दिली. रोहीत वेर्णेकार आनी भुषण शिरोडकार हांणी कार्यावळ आयोजीत केल्ली. सूत्रसंचालन प्रिया व्ही नागवेकार हिणे केलें आनी रोहीत वेर्णेकारान निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
