ओपन रॅपीड बुद्दिबळ सर्तीत सोपान देसाय वस्ताद

भांगरभूंय | प्रतिनिधी

भांगरभूंय । खेळां मेज
पणजीः म्हाड्डोळच्या युनायटेड स्पोर्ट्स क्लबान फोंडें तालुको बुद्दिबळ असोसिएशनाच्या पालवान क्लबाच्या सभाघरांत आयोजीत केल्ले फोंडें तालुको ओपन रॅपीड बुद्दिबळ सर्तींत सोपान देसाय हांणे 7.5 गुणांनी वस्तादपण मेळयलें. श्रृती शेणवी आनी राघवेंद्र गुप्ता हांका दुसरो आनी तिसरो नंबर फावो जालो.
सर्तींत 105 खेळगड्यांनी वांटो घेतिल्लो. अमोघ नमशीकार सर्तीचो मुखेल आर्बिटर आशिल्लो.  अनिश नायक, रिद्धी गावडे, अवनिश बोरकार, सार्थक नायक, समृद्धी बोरकार, मयाक कुर्टीकार, अथर्व शिरोडकार, अमोघ फडके, चिन्मय भिडे, सुशांत गांवकार, सत्विक केरकार आनी साईश नाटेकार हांणी सर्तींत 4 थी तें 15 वी सुवात मेळयली. दरेका गटांत बरी कामगिरी केल्ले सर्तकः अंडर-15 गटांत श्लोक देसाय आनी पुष्टी भोसले, अंडर-13 गट- इशांत गावडे, सौमय्या कुलकर्णी, अंडर-11- अभिमान सिंग, आर्या काम येळेकार, अंडर- 9- सुवन सावंत, दिया लोटलीकार, अंडर- 7- आरव नायक, श्रिशा घाडी.
 गोंय सरकाराच्या अर्थ खात्यांतले अवर सचीव डॉ प्रणब भट हांचे हस्तुकीं जैतिवंतांक करंड आनी प्रमाणपत्रां भेटयली. ह्या वेळार फोंडें बुद्दिबळ असोसिएशनाचो अध्यक्ष सागर साकोर्डेकार, अमोघ नमशीकार, युनायटेड क्लबाचो अध्यक्ष वरद म्हार्दोळकार, नीलेश नागवेकार, डॉ घनःशाम म्हार्दोळकार, चंद्रकांत गावडे, दिनेश नायक, अनिकेत नायक, शेखर नायक, प्रकार कोठरकार,  विजयशाम म्हार्दोळकार आनी सुभाष नायक हाजीर आशिल्ले.  संदेश नायक, मिलिंद गावडे, प्रमोद कामत, पंकज चव्हाण, महेश खेडेकार, स्वयंम नायक, आनंद कुर्टीकार आनी अर्चना तेंडुलकार हांणी सर्त येसस्वी केली. राधा साकोर्डेकारान इनाम भेटवण कार्यावळीचें सूत्रसंचालन केलें, नीलेश नागवेकारान उपकार मानले.