देशांतलीं २५% इलेक्ट्रिक वाहनां सोलार पॅनलार जातात चार्ज

भांगरभूंय | प्रतिनिधी

नवी दिल्ली, खबरां संस्था : देशांतल्या ल्हान शारांनी सौर उर्जेचो वापर नेटान पातळत आसा. ह्या शारांनी इलेक्ट्रीक गाडयांची विक्रीय नेटान वाडटा. ऑटो इंडस्ट्री, सरकार आनी सौर मळा वयल्या उपकरण निर्मात्यांच्या म्हणण्या प्रमाण, टियर- २ आनी टियर- ३ शारांत रावपी लोक पांख्यार सौर पॅनलान ईव्ही चार्ज करतात. राजस्थान, गुजरात आनी केरळ सारकिल्ल्या राज्यांत ४५- ५०% इलेक्ट्रिक वाहनां (इव्ही) ताका लागून चार्ज जातात. इंडस्ट्री सुत्रांच्या म्हणण्या प्रमाण, हे तुळेंत देशाची सरासरी फकत २५% आसा.
राजस्थानाच्या एमएस सोलार कंपनीचे अशोक शर्मा सांगतात, लोक सरकारी सबसिडीचे येवजणे सयत आपल्या घरांचेर सोलार पॅनल लावपा खातीर येतात. तांतले ३५% गिरायकां आपली ईव्ही चार्ज करपा खातीर चड तांकीच्या उपकरणांची मागणी करतात. एका गिरायकान हालींच आपलें सोलार पॅनल ३ किलोवॅटान अपग्रेड केलें. ते नवी ईव्ही घेतले. मेरकॉम इंडिया रिसर्च प्रमाण, ह्या तीन म्हयन्यांत गुजरात, महाराष्ट्र आनी केरळांन सौर तांक वाडोवपा खातीर ८१% योगदान दिलें. राज्यांत आतां मेरेन १.७ लाख घरांचेर सौर उपकरणां लागल्यांत. सुमार १.६ लाख ईव्ही आसात.
टाटा मोटर्सचे शैलेश चंद्रा हांणी, गुजरात आनी राजस्थान ईव्हीचो वापर सगळ्यांत चड जाता. सुमार ४५- ५०% गिरायकां कडेन आदीं पसून सौर पॅनल आसा. ईव्ही चार्जिंगूय घरा वयर सौर पॅनलान करपाचो विचार आसा. आमी विकिल्ल्यो सव्वा लाख ईव्ही सौरऊर्जेन चार्ज जातात.
देशांतल्या हेर वाठारांतल्या टियर- २ आनी टियर- ३ शारांनीय हो ट्रँड पळोवपाक मेळटा. ह्या शारांनी व्हड ईव्ही बाजारपेठ विकसीत जायत आसा. हांगा कोणाकूय सौर छप्पर मेळूं येता. देखूनच नेक्सन (ईव्ही) सुरू करतना टियर – १ शारांनी टाटाचो वाटो ४०% आशिल्लो, जो आतां ल्हान शारांनी वाडिल्ल्या मागणेक लागून २०% जाला.

केरळांत ईव्ही चार्जिंगाची वेवस्था
केरळांतल्या उर्जा खात्याचे मुखेल सचीव केआर ज्योतिलाल हांणी सांगलें, एक कोटी घरांचेर सौर पॅनल लावपाचो आमचो हेत आसा. राज्यान २०३० मेरेन १,२२० मेगावॅट सौर पॅनल लावपाचें लक्ष्य थारायल्लें. मोख गाठपाच्या स वर्सां पयलींच ९२० मेगावॅट विजेची मोख स्थापीत केली. हाचे वयल्यान वेगाचो अंदाज लाव येता. हांगा ईव्ही खातीर डीसी चार्जिंगाचेरूय भर दिता.