भांगरभूंय | प्रतिनिधी
-गैरवेव्हार करपी 100 संचालकांचेर अपात्रतायेची कारवाय
पणजी : माशेल महिला सहकारी क्रेडीट सोसायटी अध्यक्ष तशेंच संचालकांचेर कायद्या प्रमाण कारवाय जातली. राज्यात गैरवेव्हारांत हात आशिल्ल्या 100 संचालकांचेर अपात्रतायेची कारवाय जाल्या. संचालकांची मालमत्ता ताब्यात घेवन ठेविदारांचे पयशें मेळटले, अशें सहकार मंत्री सुभाष शिरोडकार हांणी सांगलां.
माशेल महिला क्रेडीट सोसायटींत 18 कोटींचो गैरवेव्हार जाल्ल्याचो आरोप ठेविदारांनी केला. 509 ठेविदारांचे 18 कोटी रूपया बुडयिल्याचो आरोप ठेविदारांनी केलो. ठेविदारांनी सहकार निबंधकांची भेट घेवन कारवाय करपाचे निवेदन सादर केलां.
माशेल महिला सहकारी क्रेडीट सोसायटीचे संचालक मंडळ सरकारान बरखास्त केला. सोसायटीचेर सध्या प्रशासकांची नेमणूक जाल्या. अर्थीक गुन्यांव फांट्यांत कागाळ नोंद जाला. कायदेशीर प्रक्रियेन कारवाय जातली. चवकशी करून संचालकांची मालमत्ता सरकार ताब्यात घेतले. ह्या मालमत्तेतल्यान ठेविदारांचे पयशे मेळटलें. हाका थोडो वेळ लागतलो, अशें सहकार मंत्र्यांनी सांगलें.
सगळ्या संचालकांच्या संगनमतान अशेंं गैरवेव्हार जातात. क्रेडीट सोसायटींची म्हयन्यांतल्यान एकदां बसका जावपाक जाय. संचालकांनी गैरवेव्हाराचेर आवाज उठोवपाक जाय. माशेल महिला सोसायटींत अशें जालें ना. तशेंच ही पोरणी सोसायटी आसा. आतां सहकार सोसायटी कायदो खर जाला, अशें सहकार मंत्री सुभाष शिरोडकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
