भांगरभूंय | प्रतिनिधी
भांगरभूंय । प्रतिनिधी
म्हापशेंः पर्वरी हांगच्या एके कंपनीक मेटल क्रश बॅरियर बॅरिकेटांची पुरवण करता अशें सांगून 8 लाख 22 हजार रुपयांची फटवणूक केल्ले खातीर मुंबयतल्या दोन कंपनींतल्या तिगां आड पर्वरी पुलीस स्टेशनांत गुन्यांव नोंद केला. 20 जानेवारी 2022 तें 23 जानेवारी 2024 मजगतीं ही घडणूक जाली. ह्या प्रकरणांत आरव इन्फ्रटेक ह्या कंपनीचो अधिकारी संजय पाटील हांणे पुलिसांत कागाळ केल्या.
मेटल क्रश बॅरियर कंपनीचें पर्वरी कार्यालय आसा. तांका आर टॅक कंपनी आनी भारत स्प्रिंग्स कंपनींन रस्त्याच्या कडेन दवोरपा खातीर त्री बिंब मेटल क्रश बॅरियर बॅरिकेटांचीं पुरवण करपाची हमी दिल्ली. ताका लागून त्या कंपनीच्या तिगांनी कंपनी कडल्यान 7 लाख 22 हजार 500 रुपये घेतल्ले. मात बॅरिकेटांची पुरवण केली ना. फटवणूक केल्ले खातीर पर्वरी पुलीस स्टेशनांत कागळ केली. बॉबी सिंग भासीन, देवांश सिंग भासीन आनी सरबजीत सिंग हांच्या आड गुन्यांव नोंद करून उपनिरीक्षक संकेत तळकार तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
