भांगरभूंय | प्रतिनिधी
भांगरभूंय ।खेळां मेज
पणजीः गोंयांतल्या रॉकीज कराटे मार्श आर्ट अकादमी्च्या रेहान काद्रून हिणे नोएडा हांगा जाल्ले पांचव्या आयएएसके राष्ट्रीय कराटे सेमिनार आनी बेल्ट ग्रेंडींग परिक्षेंत शोदान ब्लॅक बेल्ट मेळयलो. इंटरनॅशनल अॅकादमी ऑफ शोटोकन कराटे, इंडिया वतीन नोएडाच्या इनडोअर स्टेडियमांत ही सर्त आयोजीत केल्ली आनी वेगवेगळ्या राज्यांतले तशेंच अमेरिका आनी बांगलादेशांतल्या कराटे सर्तकांनी वांटो घेतिल्लो.
सेमिनारांत आठवो डॅन ब्लॅक बेल्ट मेळोवपी जपानच्या शुसेकी शिहान मनाबू मुराकामी आनी भारतांतलो मुख्य प्रशिक्षक सेन्साय रवींद्र कुमार हाणे मार्गदर्शन केलें. रॉकीज कराटेचो संस्थापक सेन्साय रॉक काद्रूस हाणे रेहान काद्रूसान डॅन ब्लॅक बेल्ट मेळयल्ले खातीर खोस उक्तायली. तागेली मेहनत आनी तागेल्या प्रशिक्षकांनी ताचेर घेतिल्ले मेहनतीक लागून ताका हें येश फावो जालां अशें ताणे सांगलें. कराटेच्या सगल्या पिरायेच्या गटांतल्या मार्शन आर्टाक उर्बां दिवपाच्या आपल्या उद्देशाक चालना मेळटली अशेंय ताणे सांगलें.
कदंब पठाराचेर रॉकीज कराटे ह्वो बुटिक डोजो 2017 वर्सा सुरू केल्लो. तो तो इंटरनॅशनल अकादमी ऑफ शोटोकन कराटे, इंडिया (आयएएससी) कडेन संलग्न आसा. अकादमींत सगले ब्लॅक बेल्ट प्रमाणपत्रां जपानांतल्यान येतात अशी म्हायती ताणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
