भांगरभूंय | प्रतिनिधी
भांगरभूंय । खेळां मेज
पणजीः डेजर्ट एन मोर सरसंगक सुपल सिरिज क्रिकेट सर्तींतले मडगांवच्या आर्लेम क्रिकेट मैदानार जाल्ले 6वे मॅचींत एमएलटी पीडीके किंग्जान म्हापशें ड्रीम क्रशराचेर 24 धांवड्यांनी जैत मेळयलें. एमएलटी पीडीके किंग्जान 18 ओव्हरीचें हें मॅचींत टॉस जिखून बॅटिंग घेतली. कॅप्टन सुमरन आमोणकारा बगर खेळटना 6 ओव्हरींत तांच्यो 49 धांवड्यांत 2 विकेटी पडल्यो. मात विराज पुराणिकान 25 बॉलांत 4 चौके 5 सक्यांनी 55 धांवड्यो करून डाव साल्वार केलो. वेद म्हांबरेन 23, सरीन पै काणे 28 हांणी ताका बरो वांगडो दिलो. प्रथम कोसंबेन 24 बॉलांत नाबाद 41 धांवड्यो करून पंगडाक 18 ओव्हरींत 6 आवट 174 धांवड्यो करून दिल्यो. म्हापशें ड्रीम क्रशराच्या सर्वेश कामत, पंकज नायक, नील नेत्रावळकार, णघ नेत्रावळकार आनी रघुवीर घार्सेन दरेकी एक विकेट घेतली.
जैता खातीरच्या 175 धांवड्यांचो फाटलाव करतना म्हापशें ड्रीम क्रशर्साचो डाव 9 आवट 150 धांवड्यांत सोपलो. सर्वेश कामत (18) आनी नील नेत्रावळका (33) आनी रघुवीर घार्से (14) हांच्या खेळीक लागून तांणी 9 ओव्हरींत 3 आवट 70 धांवड्यो केल्यो. कॅप्टन पंकज नायक (32) आनी सिमीत दळऴी (30) हांणी चवथ्या विकेटी खातीर 29 बॉलांत 29 धांवड्यांची भागिदारी केल्ल्यान तांकां शंबरां वयर धावड्यो करप शक्य जालें. मात तांच्या निमण्या फळींतल्या तीन बॅट्समनांक स्पीनर अमिमेश प्रभगांवकारान आवट करून पंगडाक जैत मेळोवन दिले. प्रभुगांवकाराक 3, वेद म्हांबरे आनी मिहिर गायतोंडेन दरेकी 2 विकेटी घेतल्यो. प्रथम कोसंबे, विराज पुराणीकान दरेकी एक विकेट घेतली.
एमएलटी पीडीकेच्या विराज पुराणीक मॅन ऑफ दी मॅच थारलो. ताका एस्टिलो मॉडेर्ना रिअलिटी करंड आनी रोख 2 हजार रुपये फावो जाले. ते संजय नेत्रावळकार, सिद्धेश सिनाय आमोणकार, वैभव पै आनी नागनाथ शानबागान हांणी भेटयले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
