भांगरभूंय | प्रतिनिधी
भांगरभूंय । खेळां मेज
पणजीः स्पोर्टिंग क्लब दी गोवाक बंगळुरू हांगा पदुकोण सीओई हांगा जाल्ले दुसऱ्या विभागीय आय लीग सर्तींतले मॅचींत बंगळुरू युनायटेड एफशी कडल्यान 1-0 अशी हार खावची पडली.
मॅन ऑफ दी मॅच थारल्ल्या नागाबान सिंग हाणे खेळाच्या 21व्या मिनटाक मॅचींतलो एकसुरो गोल केलो. गटांत पयली सुवात मेळोवपा खातीर दोनूय पंगडांनी मॅचींत सकारात्मक सुरवात केली. बंगळुरूचो पंगड हे मॅचींत केंकरे एफसी आनी धेंपो एफसीचेर जैत मेळोवन खेळटालो. जाल्यार स्पोर्टिंगान आपल्या आपल्या पयले मॅचींत घरच्या मैदानार सुदेवा दिल्ली एफसी कडेन 1-1 अशी बरोबरींत खोस मानची पडल्ली. ते उपरांत तांणी केंकेर एफसीक 2-1 अश्या गोलांनी हारयल्लें.
बंगळुरू आडचे मॅचीत स्पोर्टिंगान आपल्या पंगडांत काय बदल केल्ले. ताचो लाब तांका जातालो मात 25 मिनटाक बंगळुरून गोल करून मॅच आपले वटेन फिरयली. नांगाबान व्हो गोल करतान स्पोर्टिंगाचो गोलकी डायलन डिसिल्वाक फकत पळयत रावचें बगर दुसरें कांय करपाक मेळ्ळें ना. दुसऱ्या सत्रांत सोर्टिंगाक कांय संदी मेळल्ल्यो मात गोल करपाक ते उणे पडले. सोर्टिंगाचो पंगड कोलकाताक वयलो थंय 4 फेब्रुवारीक तांची युनायटेड एफसी आड मॅच जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
