भांगरभूंय | प्रतिनिधी
भांगरभूंय । प्रतिनिधी
काणकोणः पाळोळेच्या सरकारी प्राथमीक विद्यालयांत प्रजासत्ताक दिसा निमतान पयलो बाजार दीस उमेदीन जालो. ताचे खातीर सगल्या विद्यार्थ्यांनी, पालकांनी तशेंच शिक्षकांनी खासा तयारी केल्ली. ह्या वेळार खावपाचे जिनस, गांवठी भाज्यो, कंदमुळां, लाडू, विणकाम, फ्रूटचार, पानी पुरीस, मिंटलेमन सोडा, पर्स, कीचेर, बॉटल आर्ट ह्या सामाचे स्टॉल विद्यार्थ्यांनी मांडल्ले.
काणकोणचो भाग शिक्षणाधिकारी लॉरेन्स परेरा, आदलो नगरसेवक दिवाकर पागी, निवृत्त मुख्याध्यापिका गीता भैरेली, तनुजा नायक, बीआरसी संयोजक आश्विनी भगत, समग्र शिक्षा अभियानाचे कर्मचारी बाजार दिसाक हाजीर आशिल्ले. ह्या वेळार काणकोणच्या पुलील उपअधिक्षकान आपल्या पंगडा सयत बाजार दिसाक भेट दिवंन विद्यार्थ्यांनी उमेद वाडयली.
बाजाराचें उक्तावण लॉरेन्स परेरा हाचे हस्तुकीं केलें. ह्या पयल्याच बाजार दिसाक थळाव्या लोकांनी बरो प्रतिसाद दिलो. दिवाकर पागी हाणे शाळेंत कमी विद्यार्थी आसून लेगीत शिक्षक सगले उपक्रम बरे तरेन करतात हे खातीर तांची तोखणाय केली. अश्या कार्यावळींक लागून गांवांत जाग्रुताय जावंन विद्यालयांतले विद्यार्थी वाडटले असो हावेस ताणे उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
