भांगरभूंय | प्रतिनिधी
भांगरभूंय । खबरां संस्था
पणजीः दिवचले हांका नाणीजच्या स्वामी नरेंद्र हांच्या पादुका दर्शनाची कार्यावळ भक्तिभावान जाली. ह्या निमतान काडल्ल्या दिंडी मिरवणुकेंत नरेंद्र स्वामीचे अनुयायी व्हडा संख्येन वांटेकार जाल्ले. दिवलचो आमदार डॉ चंद्रकांत शेट्ये आनी मयांचो आमदार प्रेमेंद्र शेट हाणी कार्याळीक हाजीर रावन पादुकांचे दर्शन घेतले.
दिवचले बस्टस्टॅण्डार पादुकाचे विधीवत पूजन करून उपरांत सजयल्ल्या वाहनांतल्यान त्यो दवोरून ढोल- ताशे आनी स्वामीच्या जयघोशांत मिरवणूक काडली. शेट्ये पार्कांत धर्मीक विधींसयत पादुका दर्शन जालें. ह्या वेळार मठाच्या गोंय विभागाचे सूरज केंकरे, शैलेस काळे, सोमदेव अप्पा, चंद्रकांत भगत, कांचन पेडणेकार आनी उद्देजक रमाकांत शेट्ये हाजीर आशिल्ले. डॉ चंद्रकांत शेट्ये, प्रेमेंद्र शेट आनी मुळगांवची सरपंच तृप्ती गाड हांचो ह्या वेळार भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
