भांगरभूंय | प्रतिनिधी
केरी-सत्तरी: गोंयचे शिमे कुशीक आशिल्ल्या जिल्हो पंचायत पूर्व प्राथमीक शाळा वझरे नं. 1 दोडामार्ग हे शाळेंत, गायनाचार्य सर्गेस्त रामकृष्णबुवा वझे यादस्तीक संगीत संस्था वझरे संस्थे वतीन भुरग्यांच्या मनाचेर बरे संस्कार घडचे, पाठांतर शक्ती वाडची आनी सभेंत धिटाय येवची ह्या उद्देशान दर वर्सा प्रमाण अंदूंय बुवांचे यादी निमतान मनाचे श्लोक पाठांतर सर्त घेतली.
हे सर्तीचे उक्तावण वझरे गांवचे सरपंच सुरेश गवस हांचे हस्तुकीं दिवली पेटोवन आनी बुवांच्या फोट्याक फुलांहार घालून केलें.
ह्या वेळार माचयेर संस्थेचे अध्यक्ष गंगाराम वझे, संस्थेचे पदाधिकारी मनोज वझे, श्रीपाद वझे, पांडुरंग वझे तशेंच वझरेचे आदले सरपंच लक्ष्मण गवस आनी मुख्याध्यापिका श्रीमती तळणकार बी मानेस्त हाजीर आशिल्ले.
हे सर्तींत केंद्र शाळा आंयी खाला येवपी 10 शाळांतल्यान 20 स्पर्धकांनी वांटो घेतलो. ह्या वेळार सुमार 103 विद्यार्थी हाजीर आशिल्ले. सर्त यत्ना पयली ते चौथी ल्हान गट) आनी यत्ता पांचवी ते सातवी (मोटो गट) अशा दोन गटांत घेतली. हातूंत ल्हान गटांत पयलें कु. नंदिनी शिरोडकार (शाळा माटणें नं. 3), दुसरें कु. दिपराज गवस (शाळा वझरे नं. 1), तिसरें कु. गीता सावंत (वझरे नं. 2) हांकां इनामां फावो जालीं. जाल्यार उमेदवाडोवपी इनामां मदीं कु. दीक्षा गवस (वझरे नं. 1), कु. हर्ष जाधव (वझरे नं. 1),कु. पूर्वी गवस (आंबडगांव नं. 2), जाल्यार व्हड गटांत पयलें कु. ज्ञानेश्वर सुतार (शाळा वझरे नं. 1), दुसरें कु. अदिती सुतार (शाळा वझरे नं. 1), तिसरें कु. विनायक सावंत (शाळा तळेखोल नं. 1), उमेदवाडोवपी इनामां मदीं कु. सिया घाडी (वझरे नं. 1), कु. स्वरा सावंत (तळेखोल नं. 1), कु. लक्ष्मण गवस (माटणे नं. 1).
स्पर्धकांक पयलें इनाम रु. 800, दुसरें रु. 600 आनी तिसरें रु. 400 जाल्यार उमेदवार वाडोवपी दरेकी 200 रुपया आनी प्रशस्तीपत्रक दिलें.
इनामांची रक्कम सौ. आनी श्री. राजाराम श्रीपाद वझे हांणी दिली जाल्यार सगल्यांच्या नाश्ट्याची वेवस्था सरपंच सुरेश गवस हांणी केली.
आंयी केंद्र शाळेंतल्यान कल्पना उमर्ये, मनीषा रेडकार, संजना कोळेकार, मनोरमा नायक, हेमांगी मळीक, पोपट कोळी बी शिक्षक हाजीर आशिल्ले.
परिक्षक म्हूण संदीप गवस आनी विभा वझे हांणी काम पळयलें. कार्यावळीचें सुत्रसंचालन आनी उपकार संस्थेचे उपाध्यक्ष मनोज वझे हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
