भांगरभूंय | प्रतिनिधी
भुवनेश्वर, खबरां संस्था ः ओडिशाच्या बालासोर जिल्ह्यांत बस चलयतना ड्रायव्हराक काळजाचो आताक आयिल्ल्यान मरण आयलें, पूण वेळार बस थांबयल्ल्यान 60 वयर प्रवाशांचो जीव वाटावलो. ही घडणूक पातापूर चौकांत घडली.
पुलिसांनी दिल्ले म्हायती प्रमाण, अस्तंत बंगालांतल्यान पर्यटकांक व्हरपी बस पांचलिंगेश्वर देवळा वटेन वतना ड्रायव्हराक आताक आयलो. वेदना जाणवल्यो तेन्ना ड्रायव्हरान बस रस्त्या कुशीक थारायली आनी तो बेशुद्ध जालो. थळाव्या लोकांनी ताका लागींच्या हॉस्पिटलांत व्हेलो, थंय दोतोरांनी ताका मरण आयिल्ल्याचे जाहीर केलें.
हांचे आदीं 27 ऑक्टोबराक ओडिशांत बस चलयतना एका बस ड्रायव्हराक काळजाचो आताक आयलो. ह्या बस ड्रायव्हर सना प्रधान हाका अचकीत काळजात दुखपाक लागलें, ताका लागून ताचें स्टेअरिंगा वयलें नियंत्रण सुटलें. अशे परिस्थितींत व्हड अपघात जावपाची शक्यताय आशिल्ली. वेदना आसून लेगीत ताणें प्रसंगावधान राखून बस एके वण्टीं वटेन व्हेली. थंय ती वण्टीक धपको दिवन थांबली आनी व्हडलो अपघात जावपा पसून टळ्ळो. उपरांत बस ड्रायव्हराक हॉस्पिटलांत व्हेलो, पूण दोतोरांनी काळजाच्या आताकान ताका मरण आयिल्ल्याचे सांगलें. पूण मरणा पयलीं ताणें 60 परस चड जाणांचो जीव वाटायल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
