भांगरभूंय | प्रतिनिधी
पणजी ः पणजेंत 26 जानेवारी सावन सुरू आशिल्ल्या लोकोत्सवात वेगवेगळें तरेचे स्टॉल लागल्यात. तांतूत गोंयचे तशेंत गोंया भायलेय लोकांचो आस्पाव आसा. तांतूतलोच एक स्टॉलधारक मोहम्मद फिरोज (उज्जैन- मध्य प्रदेश) हाका आयज सकाळीं (बुधवारा) काळजाचो खर आताक येवन मरण आयलें. ताची कूड बांबोळेंच्या गोंय मेडिकल कॉलेज हॉस्पिटलांत (गोमेकॉ) दवरल्या आनी आयज सांजवेळा विमानातल्यान ती मध्य प्रदेशांत व्हरतले.
अंदूंच्या लोकोत्सवांत मोहम्मद फिरोज हाका स्टॉल मेळ्ळो. ताचे वांगडा ताचें कुटुंबूय आशिल्लें. आयज सकाळीं ताका काळजाचो आताक येवन मरण आयलें अशी म्हायती कला आनी सांस्कृती मंत्री गोविंद गावडे हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
