भांगरभूंय | प्रतिनिधी
वाळपय, प्रतिनिधी ः वाळपय काल पयलींचे दुस्मानकायेंतल्यान रेहान मुराद खान (वाळपय) हांचेर खुनी हल्लो केलो. ह्या प्रकरणांत दुबावीत अरुण राठोड आनी शब्बीर शेख हांकां पुलिसांनी अटक केल्या.
रेहान खानान केल्ले कागाळी प्रमाण, अरुण चंद्रकांत राठोड हांणी पयलींचे दुस्मानकायेंतल्यान रेहानाक गाळी घाल्यो आनी शब्बीर सलीम शेख हांणी ताका फाटल्यान घट धरलो. हेच वेळार अरुण राठोड हांणी रेहानाचेर फाटल्यान चाकुन खूनी हल्लो केलो. हांतूत रेहान खान गंभीर जखमी जालो. उपरांत ताका रोखडोच उपचारा खातीर गोमेकॉत दाखल केलो.
मजगतीं, कागाळदारान दाखल केल्ले कागाळी उपरांत वाळपय पुलिसांनी अरुण राठोड आनी शब्बीर हांचे आड खूनाचो यत्न केल्ल्यान गुन्यांव नोंद केलां. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
