भांगरभूंय | प्रतिनिधी
गोंया खातीर अभिमानाची गजाल
म्हापशें: सत्तरी-सुर्लाचे पयले एमबीबीएस पदवीधर डॉ. पंकज सोमनाथ गांवकार हांची भारतीय लश्करांत वैजकी विभागांत कॅप्टनपदार नेमणूक जाल्या.
डॉ. पंकज हांणी 2022 वर्सा एमबीबीएस पदवी मेळयिल्ली. उपरांत तांणी गोंया भायर एका वैजकी म्हाविद्यालयांत ऑंकोलॉजी खातीर प्रवेश घेतिल्लो. तांणी लश्कराच्या वैजकी कॅप्टनपदा खातीर परिक्षा दिल्ली. तातूंत ते पास जाले.
रोखडेंच तांकां लश्करा कडल्यान सेवेंत रुजू जावपाचें आमंत्रण आयलें आनी तांणी आपलो पदभार स्विकारलो. लश्कराचे वैजकी कॅप्टनपदार निवड जाल्ले खातीर म्हाका खूब खोस भोगता अशें डॉ. पंकज गांवकार हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
