भांगरभूंय | प्रतिनिधी
भांगरभूंय । प्रतिनिधी
कोरगांवः हणखणे हसापूर हांगच्या तिळारी धरणाच्या मुखेल खारजांत शेनवारा रातीं पडल्ल्या 4 वर्सां पिरायेच्या गवो रेड्याक आयतारा सांजे मेरेन राना खात्याच्या कर्मचाऱ्यांनी वयर काडलो.
खारजांत गवो पडल्ल्याची म्हायती मेळटगीर इब्रामपूर हांगच्या राना विभागाचो रेंज फॉरेस्टर राजू खरपालकार हाच्या मार्गदर्शना खाला रान कर्मचारी आनी बचाव पंगडाचे कर्मचारी समीर शेटकार, विशाल गांवकार,गोपी हळर्णकार, विशाल नायक, बुधाजी हसापूरकार, चेतन, विराज, शाहू आनी अमरेश हांणी खारजांतल्यान गव्याक भायर काडपाचो यतेन केलो. सुरवेक तांका येस मेळें ना.मात सांजे तांणी तरेकवार तरेन यत्न करून ताका सांजे भायर काडलो. सकाळ सावन कांय खायनास्तना उपाशी रावंन राना कर्मचाऱ्यांनी गव्याक वाटायल्ले खातीर लोकांनी राना कर्मचाऱ्याची तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
