भांगरभूंय | प्रतिनिधी
भांगरभूंय । खबरां मेज
पणजीः ज्येश्ठ पत्रकार मालीम- बेती हांगच्या शरद रामा नायक (69) हाका सोमाराक सांजे 6 वरांचेर थोड्या तेपाच्या दुयेंसान बांबोळे जीएमसीत मरण आयलें. मंगळाराक सकाळीं 11 वरांचेर मालीम हांगचे मसंडभुयेंत ताचे कुडीचेर निमणे संस्कार करतले. शरद हाच्या फाटल्यान घरकान्न रोशनी, पूत समेश आनी लग्न जाल्ली धूव सितम, तीन भाव आनी पांच भयणी असो घराबो आसा.
शरद नायक सुमार तीस वर्सांचे सेवे उपरांत यूएनआय हे खबरां संस्थेतल्या निवृत्त जाल्लो. यूएनआय खातीर तो चडशें खेळांचे वृत्तांकन करतालो. गोंय खेळां पत्रकार असोसिएशनाचो तो बरोच तेप अध्यक्ष आशिल्लो. निवृत्त जाल्या उपरांतूय तो खेळ तशेंच पत्रकारांच्या हेर विशयां कडेन संबंदीत आशिल्लो. गोवा सिनियर जर्नालिस्ट असोसिएशन तशेंच गोंय श्रमीक पत्रकार संघटनेच्या (गुज) वावरांत सक्रीय वांटो घेतालो. एक विनम्र आनी शांत सभावाचो मनीस अशी ताची वळख आशिल्ली.गोवा सिनियर जर्नालिस्ट असोसिएशन तशेच गोंय श्रमीक पत्रकार संघटनेन (गुज) शऱद नायक हाच्या मरणाचें दुख्ख उक्तायलां.
शरद हाची कूड बांबोळे जीएमसींतल्या आजय (मंगळार) सकाळी तांच्या मालीम- बेतीं हांगच्या घरा हाडटले उपरांत 11 वरांचेर मालीम मसंडभुयेंत कुडीचेर निमणे संस्कार करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
