भांगरभूंय | प्रतिनिधी
नवी दिल्ली, खबरां संस्था: अनुसूचीत जाती वा जमाती वा हेर मागासवर्गीय उमेदवारां खातीर राखीव आशिल्ल्या जाग्यार हे श्रेणींतले जाय तितले उमेदवार उपलब्ध नासल्यार हो जागो अनारक्षेत जाहीर करूं येता, अशें विद्यापीठ अनुदान आयोगाच्या (यूजीसी) नव्या मार्गदर्शक तत्त्वांच्या मसुद्यांत म्हणलां. ‘उच्च शिक्षण संस्थांनी भारत सरकाराच्या आरक्षण धोरणाच्या अंमलबजावणे खातीर मार्गदर्शक तत्त्वां’ संबंधितांचे अभिप्राय मागवण्यां खातीर भौशीक केल्यात. ह्या मार्गदर्शक तत्त्वांचेर खुबश्या जाणां कडल्यान टिका जाता.
आमी हाचे आड निदर्शनां करून यूजीसीचे अध्यक्ष एम. जगदेश कुमार हांचो फोटो लासतले अशें जेएनयू विद्यार्थी संघटणेने जाहीर केलां. मार्गदर्शक तत्त्वांचेर जावपी टिके विशीं कुमार हांची प्रतिक्रिया मेळूंक ना.
‘अनुसूचित जाती वा जमाती वा ओबीसी उमेदवारां खातीर राखीव आशिल्ल्या जाग्यार ही श्रेणी सोडून हेर उमेदवार भरपाक शकना. तशेंच आरक्षीत जागो अनारक्षणाच्या प्रक्रियेन अनारक्षीत जाहीर करपाक शकता आनी उपरांत ती अनारक्षीत जागो म्हणून भरूं येता’, अशें हे सुचवणेंत नमूद केलां. सध्याच्या नेमां प्रमाण सरळ भरती विशीं, आरक्षीत रितो जागो अनारक्षीत करपाचेर बंदी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
