म्हापशें स गाडयांक अपघात: पांच जाण जखमी
भांगरभूंय | प्रतिनिधी
म्हापशें, प्रतिनिधी : म्हापशेंच्या पेडे जंक्शनाचेर आयज स वाहनांचो अपघात जालो. हातूंत तीन ट्रक आनी तीन दोन चाकी वाहनांचो आसपाव आशिल्लो. ट्रका सकयल दोन दुचाकी चिड्डल्ल्यो. ह्या अपघातांत ५ दोन चाकी चालक जखमी जाले. हातूंत दोगां भुरग्यांचोय आसपाव आसा. जखमींक म्हापशेंच्या जिल्हो हॉस्पिटलांत उपचारा खातीर दाखल केल्यात. अपघाता उपरांत थंय जमिल्ल्या लोकांनी ट्रक चालकाक बडोवपाचो यत्न केलो.
हे विशीं चड म्हायती प्रमाण, हो ट्रक करासवाडा ते पर्वरीचे दिकेन वतालो. तेन्ना जंक्शना कडेन उदकाचो टँकर टर्न घेतालो. तेन्ना ट्रकान येवन उदकाच्या टँकराचेर धपको दिलो. धपको दिना फुडें ट्रकान कुशीकच्यान वचपी हेर दोन चाकी चिडिल्ल्यो. हो अपघात जाले उपरांत थंय लोक जमले. जमिल्ल्या लोकांनी ट्रक चालकाक मारपाचो यत्न केलो.
ह्या अपघतांत ५ जाण जखमी जाले. इयान फर्नांडीस (३४, पेडें), मोहनलाल कामी (३८, करासवाडो), मनीष कामी (११, करासवाडो), प्रवीण सातार्डेकार (४४, आल्तीन म्हापशें) आनी उर्वी सातार्डेकार (३२, आल्तीन म्हापशें) हीं ह्या अपघतांत जखमी जाल्यांत. तांकां रोखडीच हॉस्पिटलांत दाखल केली. पुलिसांनी पंचनामो केलो. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
