भांगरभूंय | प्रतिनिधी
बायलो आसूं वा दादले बरी भलायकी आनी सोबीत कांतीचीं सपनां सगळेच पळयतात. ताचे खातीर सगळीं जाणां जायते यत्न करतात. अशें आसून लेगीत जायते फावटीं तांची समस्या तशीच उरता. अशे परिस्थितींत घरांतल्या कामांक लागून आनी ऑफिसांतल्या ताणांतल्यान स्वताची जतनाय घेवपाक वेळ दिवंक मेळना. ताका लागून दर दिसा न्हिदचे पयलीं फकत ५-१० मिनटां ह्यो ५ गजाली करात. योग आनी लायफस्टायल तज्ञ काम्यान आपल्या इंस्टाग्रामाचेर व्हिडियो शेअर केला. ह्या व्हिडियोंत तांणी बायलांक दर राती न्हिदचे पयलीं कांत सोबीत आनी निरोगी करपा खातीर ५ गजाली सांगल्यात.
फेस वॉश
रातच्या वेळार न्हिदचे पयलीं दुगदुगीत उदकान सैमीक क्लींजरान तोंड धुवचें. तुमकां फ्रेश दिसतलें.
दुगदुगीत उदकांत पांय भिजोवचे
बायलांनी रातच्या वेळार न्हिदचे पयलीं १० मिनटां दुगदुगीत उदकांत पांय भिजोवचे. गरम उदकाक लागून ब्लड सर्कुलेशन सुदारता. हाका लागून पांयांची सुज नेटान देंवता. हाका लागून कांत हायड्रेटेड उरता आनी ताण उणो जाता. अशें केल्ल्यान रगताची येरादारी सुदारता, न्हिद सुदारता आनी जिवाक बरें दिसता.
तोंडाचो मसाज
रातच्या वेळार न्हिदेच्या आदीं ५ ते १० मिनटां तोंडाक मसाज करचो. अशें केल्यार दोळ्यां सकयले डार्क सर्कल उणे जातात आनी दोळ्यां वयली सूज आनी सुरकुत्यो उण्यो जातात. ते भायर दोळ्यां भोंवतणची कांत घट्ट जाता. तोंडाक मसाज करपाक खंयचेंय बरें तेल वापरूं येता. अशें केल्यार तोंडा वयल्यो सुरकुत्यो उण्यो जातात आनी तोंडूय चकचकीत उरता.
पांयांची मालीश करप
रातच्या वेळार न्हिदचे पयलीं पांयांची मालीश केल्यार जायते फायदे जातात. हाका लागून ब्लड सर्कुलेशन सुदारताच तशेंच मेनोपॉजच्या लक्षणांय सुदारतात. पांयांची मालिश करपाचे फायदे म्हळ्यार बरी न्हीद, कुडीच्या दुखण्यांतल्यान सुटका, डिप्रेशनांतल्यान आनी मूड स्विंगांतल्यान सुटका मेळोवपा वांगडाच कुडीक थाकाय दिता.
बोमलेक तेल लावचें
रातच्या वेळार न्हिदचे पयलीं बोमलेक तेल लायल्यार कांतीची ओलसाण उरताच. तशेंच पोटांत दुखप, मासीक पाळी दुखप, बोमली नितळ करपाक आदार जाता आनी प्रजनन तांक आनी दोळ्यांची नदर सुदारता.
(हो लेख सर्वसादारण म्हायतीचेर आदारीत आसा. वापर करचे पयलीं तज्ञांचो सल्लो घेवचो.)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
