भांगरभूंय | प्रतिनिधी
मुंबय, खबरां संस्था: ‘लाल परी – अ रोड फेरी’ ह्या डॉक्युमेंटरीची रशियेच्या ट्रॅव्हल फिल्म इंटरनॅशनल फिल्म फेस्टिवलाक निवड जाल्या. हो डॉक्युमेंटरी आंतरराष्ट्रीय प्रेक्षकां खातीर रशियेंतल्या मॉस्को शारांतल्या सिनेमाघरांनी २ आनी ३ मार्च २०२४ दिसा दाखयतले. प्रवास ही संकल्पना घेवन संवसारभरांतल्या प्रवास विशयांचेर आदारिल्ल्यो डॉक्युमेंट्री ह्या महोत्सवा खातीर निवडटात. ताका लागूनहो महोत्सव संवसारभर फामाद आसा.
मुंबयची लायफलायन थळावी रेल्वे, तेच प्रमाण गांवगिर्या वाठारांची लायफलायन लालपरी म्हळ्यार एसटी बस. म्हालगडो पत्रकार, दिग्दर्शक संतोशी गुलाबकली मिश्र हांच्या ह्या डॉक्युमेंटरींतल्यान लालपरी राज्याची गांवगिरी अर्थवेवस्था कशी चलयता तें दाखयता. एसटी बस ही फकत गांवगिर्या महाराष्ट्राची येरादारी न्हय तर तांचें तें जिवन. एसटी कठीण परिस्थितींत आपली येरादारी चलयता. एसटी बशींचेर बायलां, शेतकार, वेपारी, ल्हान वेपारी, सरकारी नोकर, शाळेंतल्या भुरग्यांचें, खास करून चलयो, फ्रंटलायन कामगार, शिक्षक आनी ज्येश्ठ नागरिकांचें जिवीत कितलें निंबून आसा हाचेर ह्या डॉक्युमेंटरींत भर दिल्या. हे डॉक्युमेंटरीचें शुटींग नंदूरबार, धुळे जिल्हो आनी मेळघांटा वाठारांत जालां.
ट्रॅव्हल फिल्म इंटरनॅशनल फिल्म फेस्टिव्हलांतले निवडी विशीं दिग्दर्शक संतोषी मिश्रा हांणी, आमचे खातीर आनी टिमी खातीर ही अभिमानाची गजाल. आंतरराष्ट्रीय फिल्म फेस्टिव्हलांत निवड जावप आनी थिएटरांत प्रदर्शन जावप म्हळ्यार एके तरेचो पुरस्कार मेळिल्ले वरींच.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
