भांगरभूंय | प्रतिनिधी
मगोचे अध्यक्ष दीपक ढवळीकार हांणी घेतली राम नाथ कोविंद हांची भेट
पणजी ः प्रधानमंत्री नरेंद्र मोदीन हांणी आपल्या दुसऱ्या कार्यकाळाची सुरवात करतना ‘एक देश, एक वेंचणूक’ ही संकल्पना आपणायल्या. ती लक्षांत घेवन ताचे संबंदीत अभ्यास करपा खातीर तज्ञांची समितीय स्थापन केली. हे समितीचे फुडारपण आदले राष्ट्रपती राम नाथ कोविंद करतात. गोंयच्या महाराष्ट्रवादी गोमंतक पक्षानय (मगोप) हे संकल्पनेक पुराय तेंको जाहीर केला.
मगोचे अध्यक्ष दीपक ढवळीकार हांणी शेनवारा दिल्लींत ‘एक देश, एक वेंचणूक’ संबंदीत स्थापन केल्ल्या समितीचे अध्यक्ष, आदले राष्ट्रपती राम नाथ कोविंद हांकां मेळून वेंचणुके संबंदी केंद्राचे भुमिकेक तेंको दिलो. अशी वेंचणूक देशाच्या हितांची थारतली अशें मगोपन सांगलां.
‘एक देश, एक वेंचणूक’ हे संकल्पनेचेर चर्चा सुरू जाले उपरांत हे संबंदीत आयज मेरेन जायते प्रस्ताव आयल्यात. वेगवेगळ्या वेळार जावपी वेंचणुकेचें वेळापत्रक फाटीं फुडें करुन 2024 मेरेन लोकसभा, वेगवेगळीं विधानसभा आनी केंद्रीय प्रदेशांची वेंचणूक एकठांय जातल्यो अशी तजवीज करपाचो एक प्रस्ताव तांतूत आशिल्लो. पूण केंद्रान अजून ताचेर कसलीच भुमिका घेवंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
