भांगरभूंय | प्रतिनिधी
नवी दिल्ली, खबरां संस्था ः देशभरांत 75 वो प्रजासत्ताक दीस उमेदीन मनयलो. त्या वेळार राजधानी दिल्लीच्या कर्तव्य मार्गाचेर नारी शक्ती दिसली. 100 बायलां वादकांनी पथसंचलन सुरू केलें आनी तिनूय सशस्त्र दळांतल्या बायलांन चित्तथरारक कवायती करून राष्ट्राक बायलांच्या शौर्याची जाणीव करून दिली.
भारताची राष्ट्रपती द्रौपदी मुर्मू हांणी आयज सकाळीं दिल्ली 75 वो प्रजासत्ताक दीस मनयलो. फ्रेंच राश्ट्रपती इमान्युएल मॅक्रॉन हे मुखेल सोयरे आशिल्ले. भारतान संस्कृतीक विविधताय आनी लश्करी पराक्रम मॅक्रॉनाक दर्शन घडयलें. अंदूंचें पथसंचलन बायलां केंद्रीत आशिल्लें. देखून सुमार 80 टक्के बायलां कर्तव्य पथार आशिल्लीं.
100 बायलांनी सुरू केल्ली
विकसीत भारत आनी भारत : लोकशायेची आवय ह्या दोन बायलां केंद्रीत विशयांचेर आदारिल्ल्या पथसंचलनात 13 हजारां परस चड बायलांनी वांटो घेतलो. 100 बायलां कलाकारांनी सुरूवात केली. शंख, नादास्वरम, नगरा, ढोल- तासो आदी पारंपारीक भारतीय वाद्य वाजोवन बायलांनी पथसंचलनांत फुडाकार घेतलो. ह्या बँडांत देशभरांतल्या वेगवेगळ्या राज्यांतल्या बायलां कलाकारांचो आस्पाव आशिल्लो. म्हणल्यार पयलेच खेपे बायल कलाकारांक ही संद मेळ्ळी. पयलीं पारंपारीक लश्करी बॅण्ड वापरताले.
तिनूय सशस्त्र दळांतल्या बायलांचो शक्ती प्रदर्शन
भारताच्या तीन सशस्त्र दळांनी शक्तीप्रदर्शन आनी परेड केलो. राज्यरथांची मिरवणूक सोंपतकच तिनूय सैन्यान संचलन केलें. भारतीय वायुसेनेच्या फ्लाय-पास्टांत 15 बायलां पायलटांनी वांटो घेतलो. केंद्रीय सशस्त्र पुलीस दळाच्या बायलां कर्मचाऱ्यांनी आपली शक्त दाखयतना वेगवेगळी धाडसी कलाकृती दाखयल्यो. मोटारसायकलीचेर उबे रावून 265 बायलां पुलीस कर्मचाऱ्यांनी धाडसी ड्रिल केलो. तातूंत मोटारसायकल चलोवन रायफल, तलवार, कॅमेरे आनी लॅपटॉप हाताळटालो. हो व्हिडियो सोशल मिडियाचेर व्हायरल जावपाक लागला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
