पर्यटन खात्या वतीन बीच व्हिजिल अॅपाचें लोकार्पण

भांगरभूंय | प्रतिनिधी

पणजी, खबरां मेज ः राष्ट्रीय पर्यटन दिसा निमतान गोंय सरकाराच्या पर्यटन खात्यान आयज ‘बीच विजिल अॅप’ चें अनावरण केलें. दर्यादेगेचें वेवस्थापन वाडोवपाक आनी दर्यादेगे संबंदीत वेगवेगळे प्रस्न सोडोवपाक हें अॅप मदत करतलें. पर्यटन मंत्री रोहन ए. खंवटे आनी गोंय पर्यटन उदरगत म्हामंडळाचे वेवस्थापकीय संचालक सुनील अंचिपाा आनी गोवा इलॅक्ट्रॉनिक्साचे सीईओ आनी कार्यकारी संचालक रेवती कुमार हांचे हाजिरेंत अनावरण जालें.
बीच व्हिजिल अॅप वेळार अहवाल दिवपाचेर आनी दर्यादेगांचेर निर्माण जावंक शकता अशा प्रस्नांचे निवारण करपाचेर लक्ष केंद्रीत करता. व्यक्तींक दर्यादेगेच्या उदरगती संबंदीत वेगवेगळ्या प्रस्नांचो बेगीन आनी प्रभावीपणान अहवाल दिता. दर्यादेगेर पिवपाची घडणूक आसूं, डेक बेडांचो अनधिकृत विस्तार आसूं, दर्यादेगेर माल वा जेवण विकपी हॉकर आसूं वा हेर खंयचेंय उल्लंघन आसूं, आतां वापरप्यांक मोबायलाचेर टॅप करून ह्या घडामोडीं कडेन लक्ष ओडून घेवंक मेळटा. ‘बीच व्हिजिल अॅप’ आतां वापरप्यांक प्ले स्टोरांतल्यान डावनलोड करपाक मेळटा.
मुख्यमंत्री डॉ. प्रमोद सावंत हांणी सांगलें, “बीच विजिल अॅप आमच्या सोबित दर्यादेगांच्या सुरक्षे खातीर आनी एकंदर दर्यादेगेचो अणभव वाडोवपा खातीर आमच्या वचनबद्धतेची एक गवाय आसा. अत्याधुनीक तंत्रगिन्यानाच्या बळग्याचो फायदो घेवन, बीच व्हिजिल अॅप थळाव्या लोकांक आनी पर्यटकांक आमच्या दर्यादेग वेवस्थापनांत सक्रीयपणान वांटो घेवपाक सशक्त करता. हो अत्याधुनीक अॅप्लिकेशन तयार करपा खातीर पर्यटन खात्यान केल्ल्या अथक यत्नांची हांव तोखणाय करपाक सोदतां.

पर्यटन मंत्री रोहन ए. खंवटे हांणी सांगलं, “आयज आमी बीच विजिल अॅपाचें अनावरण करतात, जें दर्यादेगेवेल्या वेवस्थापनांत आनी अहवालांत क्रांती घडोवपा खातीर तयार केलां. बीच व्हिजिल अॅप हो थळाव्या आनी पर्यटकांची सुरक्षीतताय आनी बरेपण सुनिश्चीत करतलो.
सुनील आंचीपाक हानी हांणी सांगलें, बीच विजिल अॅपाचेर कळोवंक मेळपी प्रस्न अशे आसात: दर्यादेगेर पिवप, दर्यादेगेर अनधिकृत डेक बेड विस्तार, दर्यादेगेर आयटम, अन्न विक्रेते, दर्यादेगेर कोयर, दर्यादेगेर बुडपाची घडणूक, दर्यादेगेर रांदप, दर्यादेगेर आवाज प्रदुशण, दर्यादेगेवेलीं वाहनां, लग्नां, कार्यावळी, बेकायदेशीर बांदकामां, दर्यादेगेर मालिश, दर्यादेगेर गोंदण आनी हेर गजाली.
सांजवेळा 6 ते सकाळीं 8 वरां मजगतीं नोंद जाल्ल्यो केशीं सोडल्यार हो प्रस्न सोडोवपा खातीर बीच विजिल अॅपान 2 वरांची वेळ मर्यादा थारायल्या. वेळार प्रतिसाद दिवपाक अॅपाचें समर्पण आशिल्ल्यान दर्यादेगेर वचपी लोकांकय सुरक्षीत रावंक मेळटा.
बीच व्हिजिल अॅपांत दर्यादेगेर खाजगी मालमत्ते संबंदीत प्रस्नांचो आस्पाव ना. पूण हेर खंयचेय प्रस्न वा उल्लंघन जाल्यार गोंय पर्यटन हेल्पलायन क्रमांक 1364 डायल करून अॅपा वरवीं रोखडेंच कळोवंक मेळटा.