भांगरभूंय | प्रतिनिधी
पणजे प्रजासत्ताक दिसाचे कार्यावळींत वक्तव्य
पणजी, प्रतिनिधी ः आयज 75 वो प्रजासत्ताक दीस गोंय राज्यांत तशेंच पुराय देशभरांत वेगवेगळ्या कार्यावळींनी व्हडा उमेदीन मनयलो. तशेंच मुख्यमंत्री डॉ. प्रमोद सावंत हांणी प्रजासत्ताक दिसा निमतान आल्तिनो वयल्या, महालक्ष्मी बंगल्याचेर तिरंगो हुबयलो. गोयांन सगल्या वाठारांत भरीव उदरगत केल्या. स्मार्ट राज्य जावपाच्या दिकेन गोंयची वाटचाल सुरू आसा अशें राज्यपाल श्रीधरन पिल्लय हांणी सांगलें. पणजे जाल्ल्या प्रजासत्ताक दिसाच्या कार्यावळींन ते उलयतालें.
श्रीलंका, पाकिस्तान, नेपाळ सयत हेर देशांच्यो राजघटना अयेसस्वी थारल्यो आसताना भारताची घटना 75 वर्सा तिगोवन आसा. भारताची घटना पुराय संवसाराक मार्गदर्शक थारता. आयचो दीस हो आत्मचिंतन करपाचो दीस. सध्या 5 सुवातेर आशिल्ली भारताची अर्थवेवस्था 2027 वर्सा मेरेन संवसारात तिसऱ्या सुवातेर पावतली अशें राज्यपाल हांणी ह्या वेळार सांगलें. मोपा मनोहर विमानतळ, जुवारी पुल अशा मुळाव्या सुविधांक लागुन गोंय हे पयल्या नंबराचे पर्यटन थळ जाला अशेंय राज्यपाल पिल्लय हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
