भांगरभूंय | प्रतिनिधी
नवी दिल्ली, खबरां संस्था: दर्यांत चीना कडल्यान मेळपी आव्हानांचे फाटभूंयेर भारत हिंद महासागरांत आतां मेरेनचो सगळ्यांत व्हड ‘वॉर गेम’ आयोजीत करता. हातूंत अमेरिका, जपान, ऑस्ट्रेलिया, फ्रान्स, दक्षीण कोरिया सयत ५० देशांच्या नौदळांचो आसपाव आसतलो. २० देश झुंजपी बोटी सयत वांटो घेतले.
नौदळान आसपाव घेतिल्ल्यान हो आतां मेरेनचो सगळ्यांत व्हडलो झुंजा अभ्यास आसतलो. भारतीय नौदळ आयएनएस विक्रमादित्य आनी आयएनएस विक्रांता सयत सुमार ३० झुजारी बोटी तैनात करतले. चीन आतां दर्याच्या मार्गान श्रीलंका, बांगलादेश आनी मालदीव आपली इश्टागत वाडोवपाचेर लक्ष दिता. तांणी हालींच एक सर्वेक्षण बोट मालदीव धाडिल्ली.
ड्रोन हल्ल्या पसून वाटावपाचो अभ्यास करतले
नौदळ अरबी दर्यांत वेपारी मार्गार हालींच्या काळांत जाल्ल्या ड्रोन हल्ल्याक लागून संवसाराची चिंता वाडल्या. सुत्रांनी सांगलें, मिलन अभ्यासांत नौदळ ड्रोन हल्ल्यां पसून बचावाचो सराव करतले आनी चाचेगिरीच्या आड नौदळ ऑपरेशन्साची रचणुकय करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
