भांगरभूंय | प्रतिनिधी
जायते फावटीं भायर सरतना आमी गडबडीत ड्रायव्हिंग लायसन्स विसरतात. अशे परिस्थितींत येरादारी पुलीस आडयतात आनी दंड घालतात. अशे दंड टाळपाचे आसल्यार, आतां तुमी इंस्टंट मेसेजिंग अॅप व्हॉट्सअॅपाचेर मेसेज धाडून सगळे डॉक्युमेंट डावनलोड करपाक शकतात. हातूंत ड्रायव्हिंग लायसन्स, आरसी, पॅन कार्ड आनी विमो पॉलिसी सारकिल्ले कागदपत्रांचो आस्पाव जाता.
व्हॉट्सअॅपाचेर डावनलोड करात ड्रायव्हिंग लायसन्स…
० तुमकां फकत गूगलाचेर MyGov Helpdesk सर्च करचें पडटलें.
० हाचे उपरांत तुमकां हांगा डिजिलॉकर सेवेचो फायदो मेळटलो.
० व्हॉट्सअॅप नंबर 9013151515 हांगा मेळटा. हो नंबर कॉपी करून तुमच्या फोनांत सेव्ह करचो.
० हाचे उपरांत तुमी तुमचे दस्तावेज खंयच्याय वेळार डाउनलोड करूंक शकतात.
० आतां जेन्ना तुमकां आडमेळी येता तेन्ना तुमी तुमचो ड्रायव्हिंग लायसन्स मिनटां भितर डाउनलोड करूंक शकतात.
० हे दस्तावेज हे वळेरेंत आस्पावतात. फकत व्हॉट्सअॅपाचेर चॅट विभागांत वचून “HI” आनी “Namaste” मेसेज धाडपाची गरज आसा.
० हाचे उपरांत तुमकां ओटीपी मेळटलो. हो ओटीपी चॅट बॉक्सांत धाडचो. हे प्रक्रिये उपरांत तुमचे सगळे दस्तावेज पावतले.
हे दस्तावेज वळेरेंत आस्पावतात….
० पॅन कार्ड
० ड्रायव्हिंग लायसन्स
० सीबीएसई 10 वी पास प्रमाणपत्र
० वाहन नोंदणी प्रमाणपत्र (RC)
० विमो पॉलिसी
० 10 वी मार्कशीट
० 12 वी मार्कशीट
० विमो पॉलिसी दस्तावेज (डिजिलॉकराचेर जीवनआनी निर्जीव)
तुमी तुमचो दस्तावेज अजून DigiLocker चेर अपलोड करूंक ना जाल्यार, आतां करात. तुमच्या दस्तावेजां खातीर हे सगळ्यांत सुरक्षीत प्लॅटफॉर्म आसा. तुमी खंयच्याय वेळार आनी खंयच्याय सुवातेर हो अॅप वापरूं शकता. ह्या अॅपाक गूगल प्ले स्टोराचेर 4.1 रेटिंग मेळ्ळां. आतां मेरेन पांच कोटी परस चड लोकांनी हो अॅप डावनलोड केला. हो अॅप तुमकां Google Play Store आनी Apple App Store ह्या दोनूय प्रकारांचेर मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
