भांगरभूंय | प्रतिनिधी
कायद्यांतले 16 बी कलम जातलें रद्द
– नगर नियोजन कायदो दुरूस्ती मंंत्रीमंंडळाची मान्यताय
मंंत्रीमंंडळाचे निर्णय
– गाेंय मजुर कल्याण मंंडळाचेर कामगार सचीव (उपाध्यक्ष) आनी कामगार आयुक्त (सचीव) हांंकां प्रतिनिधीत्व
– गोंय मोटर वाहन शुल्क दुरुस्ती विधेयकाक मान्यताय
– केंंद्रीय कायद्या प्रमाण जीएसटी कायदो दुरूस्तीक मान्यताय
भांंगरभूंंय प्रतिनिधी
पणजी: प्रादेशीक आराखडो तशेंच बाह्य विकास आराखड्यांतले (ओडीपी) झोन (वाठार) बदलपा खातीर नगर नियोजन कायद्यांत नव्या कलमांची तजवीज करपाच्या प्रस्तावाक मंंत्रीमंंडळान मान्यताय दिल्या. तशेंच कायद्यांतले आदले 16 बी कलम रद्द जातलें.
अर्थसंंकल्पी अधिवेशनांत सरकार नगर नियोजन कायदो दुरूस्ती विधेयक मांंडटलो. ह्या दुरुस्ती विधेयकाक मंत्रीमंंडळान मान्यताय दिल्या.
प्रादेशीक आराखडो वा बाह्य विकास आराखड्यांतलो (ओडीपी) एखाद्या झोनांत (वाठार) बदल करपाची तजवीज नगर नियोजन कायदो 1974 मदीं जातली. झोन बदलपाची नोटीस जारी करून सरकार लोकांंच्यो सुचोवण्यो मागयतले. सुचोवण्यो सादर करपा खातीर 30 दिसांंची मुजत लोकांंक आसतली. सुचोवण्यांचो विचार करून झोन बदलाची कार्यवाही जातली. जैव संंवेदनशील वाठारांत (इको सेंन्सिटीव्ह झोन) बदल जावचो ना.
16 बी कलम रद्द जातलें
नगर नियोजन कायद्यांतलें कलम 16 बी रद्द करपाक मंंत्रीमंंडळान मान्यताय दिल्या. जमनीचो झोन बदलपा खातीर 16 बी कलमाची तजवीज कायद्यांत केल्ली. ह्या कलमा खाला नगरनियोजन खात्यान हजारांंनी प्रस्तावांंक मान्यताय दिल्ली. मान्यताय दिल्ल्या प्रस्तावांंक खंंडपिठांत आव्हान दिल्लें.
कायद्यांत 16 बी कलमाचो आस्पाव 2018 वर्सा जाल्लो. 3 ऑक्टोबर 2018 सावन हें कलम कार्यवाहींत आयले. ह्या कलमाक खंंडपिठांत आव्हान दिलें. हाका लागून ह्या कलमा खाला नगरनियोजन मंंडळान मंंजूर केल्ले प्रस्ताव प्रलंंबीत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
