भांगरभूंय | प्रतिनिधी
म्हापशें: थिवी पंचायतीचे सरपंच अर्जून आरोस्कार हांचे आड मांडिल्लो अविस्वास थाराव 6 आड 0 मतांनी मंजूर जालो. ह्या थारावाचेर चर्चे करपा खातीर आयोजीत केल्ले बसकेक सरपंच अर्जून आसोस्कार हांचे सयत 5 पंच वांगडी गैरहाजीर रावले.
बुधवारा 24 जानेवारीक सकाळीं 11 वरांचेर ह्या थारावाचेर चर्चा करचे खातीर पंचायत मंडळाची बसका जाली. ह्या वेळार मायकल क्लॉडियो डॉमिंगो फर्नांडीस, शिवदास कांबळी, गीता शेळके, व्यंकटेश शिरोडकार, हर्षता कळंगूटकार आनी प्रिती आरोलकार हे स पंच हाजीर आशिले. जाल्यार अर्जून आसोस्कार, तुळशीदास शिंदे, समिक्षा मयेंकार, सुनिता साळगांवकार आनी शिवन परब हे पांच पंच गैरहाजीर रावले.
बसके वेळार बसकेचे निरिक्षकांनी हो अविस्वास थाराव 6 आड 0 मतांनी संमत जाल्ल्याची घोशणा केली. बसकेचे निरिक्षक म्हूण गटविकाकस कार्यालयाचे विस्तार अधिकारी शिरीशकुमार तारी हांणी कामकाज पळयलें. तांकां पंचायत सचीव अमीत प्रभू आनी आदार केलो.
मजगतीं, 15 जानेवारीक 11 वांगड्यांच्या पंचायत मंडळांतल्या स पंचांनी सरपंचा आड अविस्वास थारावाची नोटीस दाखल केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
