भांगरभूंय | प्रतिनिधी
लखनौ, खबरां संस्था ः उत्तर प्रदेशांतल्या फतेहपूरांत 26 वर्सां पिरायेच्या बायलेचो खून जालो. ह्या प्रकरणांत पुलिसांनी चार जाणांक अटक केल्या. हे चारय आरोपी पीडित बायलेचे देर. ह्या चार जाणांक अटक केल्या उपरांत बायलेचो घोव साउदी अरेबियांत आसता, ताणेंच बायलेक मारपाचो कट रचलो अशी म्हायती पुलिसांक मेळ्ळी. जाल्यार अटक केल्ले चारय आरोपी ताचे भाव. पयलीं पीडित बायलेचेर सामुहीक बलात्कार केलो आनी उपरांत तिचो खून केलो.
20 जानेवारीक पुलिसांक बांदकामा खाला आशिल्ल्या घरांत बायलेची नग्न कूड मेळ्ळी. उपरांत ह्या प्रकरणांतल्या आरोपींक पुलिसांनी तीन दिसां भितर अटक केली. बायलेचो घोव साउदींत आसता. बायलेच्या चारित्र्याचेर ताका दुबाव आशिल्लो. देखून ताणें आपल्याच चार भावांक आपलेच बायलेचो खून करपाक सांगलें. ह्या सगळ्यांनी सुरवेक बायलेक बांदून दवरली. तिका बांदकाम खाला आशिल्ल्या घरांत व्हेली. थंय ह्या चार जाणांनी तिचेर सामुहीक बलात्कार केलो आनी मागीर तिचो खून केलो.
पुलिसांनी चारूय आरोपींक अटक केल्या. तांची पिराय सरासरी 20- 25 वर्सां आसा. तशेंच बायलेच्या घोवाक साउदींतल्यान भारतांत हाडपाची तयारी पुलिसांनी सुरू केल्या. ते खातीर पुलीस केंद्रीय तपास यंत्रणेची मजत घेवपाचे आसात. एक वर्सा आदीं हे बायलेचो घोव साउदी अरेबियाक गेल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
